Accessibility links

جان کێری له‌ هه‌وڵه‌کانی بۆ ئاشـتی ناوه‌ڕاست به‌رده‌وامه‌

  • VOA News

جان کێری وه‌زیری ده‌ره‌وه‌ی ئه‌مه‌ریکا ده‌ڵێت واشنتن کۆڵ نادات له‌ به‌رامبه‌ر ئه‌و کۆسپ و ته‌گه‌رانه‌ی دێنه‌ به‌رده‌م وتووێژه‌کانی ئاشـتی ڕۆژهه‌ڵاتی ناوه‌ڕاست.
به‌ڕێز کێری ڕۆژی چوارشه‌ممه‌ ئه‌مه‌ی له‌ شـاری بێت له‌حمی که‌ناری ڕۆژئاوا ڕاگه‌یاند که‌ له‌وێ له‌گه‌ڵ سه‌رۆکی فه‌ڵه‌سـتینیـیه‌کان مه‌حمود عه‌باس کۆبووه‌وه‌. گوتیشی ئه‌و و سه‌رۆک ئۆباما سوورن له‌سه‌ر هه‌وڵه‌کانیان له‌ پـێناو ئاشتیدا و هیچ کامیان کۆڵ نادات.
پاشـان دووپاتی کرده‌وه‌ که‌ واشنتن له‌گه‌ڵ ئه‌وه‌دا نیـیه‌ ئیسرائیل نیشته‌جێی نوێ له‌ ناوچه‌ فه‌ڵه‌سـتینیـیه‌کان بنیادبنێت، ده‌ڵێت ئه‌وه‌ کارێـکی ناشه‌رعیـیه‌.
پـێشـتر جان کێری له‌گه‌ڵ بنیامین نه‌ته‌نیاهو له‌ نزیک ئۆرشه‌لیم کۆبووه‌وه‌. نه‌ته‌نیاهو گوتی دانوسـتاندنه‌کان بۆ گه‌یشتن به‌ ڕێکه‌وتن له‌سه‌ر چاره‌سه‌ری دوو ده‌وڵه‌تی هیچ به‌ره‌وپـێشچوونێـکی ڕاسته‌قینه‌یان به‌دی نه‌هێناوه.‌
XS
SM
MD
LG