Accessibility links

وه‌زیری ده‌ره‌وه‌ی ئه‌مه‌ریکا سه‌ردانی پـۆڵۆنیا ده‌کات

  • VOA News

وه‌زیری ده‌ره‌وه‌ی ئه‌مه‌ریکا جان کێری له‌ پـۆڵۆنیایه‌ به‌ مه‌به‌ستی ئه‌نجامدانی وتووێژی به‌رفراوان له‌گه‌ڵ ڕابه‌رانی ئه‌و وڵاته‌‌ به‌ر له‌وه‌ی جارێـکی دیکه‌ به‌ره‌و ڕۆژهه‌ڵاتی ناوه‌ڕاست بگه‌ڕێته‌وه‌.
بڕیاره‌ وه‌زیری ده‌ره‌وه‌ی ئه‌مه‌ریکا له‌گه‌ڵ دۆناڵد تۆسـکی سه‌رۆک وه‌زیر و ڕادۆسڵۆ سیکۆڕسکی وه‌زیری ده‌ره‌وه‌ کۆبـبته‌وه‌ به‌ مه‌به‌سـتی وتووێژکردن له‌سه‌ر پلانه‌کان بۆ دامه‌زراندنی سـیسته‌می موشه‌کی به‌رگری و هه‌روه‌ها وتووێژ له‌سه‌ر په‌یوه‌ندیـیه‌کانی به‌رگری نێوان پـۆڵۆنیا و ئه‌مه‌ریکا.
وه‌ها چاوه‌ڕوان‌ده‌کرێت ڕووبه‌ڕووی پـرسیاره‌کان بـبێته‌وه‌ سه‌باره‌ت به‌ ئیدیعاکانی سیخوڕی ئه‌مه‌ریکا به‌سه‌ر ڕێبه‌رانی ئه‌وروپاوه‌.
وه‌زیری ده‌ره‌وه‌ی ئه‌مه‌ریکا له‌ ڕۆژی دووشه‌ممه‌وه‌ گه‌شـته‌که‌ی ده‌سـتپـێـکردووه‌ به‌ سه‌ردانی گۆڕی تاداۆش مازۆویکی که‌ یه‌که‌م سه‌رۆک وه‌زیری پـۆڵۆنیا بوو له‌ پاش نه‌مانی کۆمۆنیستی.
بڕیاره‌ کێری له‌ گه‌شته‌کانی داهاتووی به‌ره‌و ئیسرائیل و که‌ناری خۆرئاوابێت بۆ کۆبوونه‌وه‌ له‌گه‌ڵ به‌رپـرسـانی ئیسرائیلی و فه‌ڵه‌سـتینی و پاشـان سه‌ردانی ئوردن و ئیمارات و جه‌زائیر و مه‌غریبیش بکات.
XS
SM
MD
LG