Accessibility links

مێزگرد : خامه‌نه‌ئی پشتیوانی له‌ دانوستاندنه‌کانی ڕۆحانی ده‌کات

  • Balen Salih

له‌ ڕاگه‌یاندنێکی بێ پێشینه‌دا ڕابه‌ری کۆماری ئیسلامی ئێران پشتیوانیه‌کی نوێ ده‌دات به‌ دانوستاندنه‌کانی حه‌سه‌ن ڕۆحانی سه‌رۆکی ئێران له‌گه‌ڵ وڵاتانی ڕۆژئاوادا سه‌باره‌ت به‌ به‌رنامه‌ ناوکیه‌ مشت و مڕ له‌سه‌ره‌که‌ی تاران.

ئایه‌توڵا عه‌لی خامه‌نه‌ئی له‌ لێدوانه‌کانیدا له‌به‌رده‌م ژماره‌یه‌ک له‌ خوێندکارانی ئێرانیدا ئه‌و پشتیوانیه‌ی بۆ دانوستاندنه‌کان ده‌ربڕی.
سۆران پاڵانی

سۆران پاڵانی



ئایه‌توڵا خامه‌نه‌ئی ده‌ڵێت نابێت هیچ که‌سێک ئه‌و دانوستاندنانه‌ به‌ له‌به‌ردانه‌واندن دابنێت و ده‌شڵێت نابێت به‌ هیچ شێوه‌یه‌ک هه‌وڵی لاوازکردنی وتووێژکه‌رانی ئێرانی بدرێت، وه‌ک ڕابه‌ری کۆماری ئیسلامی ئێران ده‌ڵێت "له‌ ده‌مێکدا ئه‌م ئه‌رکه‌ قورسه‌یان به‌جێ ده‌گه‌یه‌نن".

هه‌ردوو نوسه‌ر و لێکۆڵه‌ر، سۆران پاڵانی و ئیدریسی ئه‌حمه‌دی له‌م مێزگرده‌دا لێکدانه‌وه‌ و ڕاڤه‌ی ڕوانینه‌کان ده‌که‌ن له‌سه‌ر ئه‌و ڕاگه‌یاندنه‌ی ڕۆژی یه‌کشه‌ممه‌ی ئایه‌توڵا عه‌لی خامه‌نه‌ئی ڕابه‌ری کۆماری ئیسلامی ئێران.
ئیدریس ئه‌حمه‌دی

ئیدریس ئه‌حمه‌دی




له‌گه‌ڵ ئه‌و ڕاگه‌یاندنه‌شیدا به‌ڵام ڕابه‌ری کۆماری ئیسلامی ئێران ده‌ڵێت هێشتا به‌ گومانه‌ له‌وه‌ی ده‌رفه‌تێک بۆ ڕێکه‌وتن هه‌بێت له‌ ئه‌نجامی ئه‌م دانوستاندنانه‌ی له‌ ئارادان و ده‌شڵێت "وتووێژه‌کان ئه‌نجامیان هه‌بێت یان نا ، ئێران هیچ زیانێک ناکات".

ئایه‌توڵا خامه‌نه‌ئی ئیدانه‌ی هه‌ڵوێستی وڵاته‌ یه‌کگرتووه‌کانی ئه‌مریکاش ده‌کات به‌رامبه‌ر ئێران و ئه‌مریکای به‌ دوژمنێکی ده‌م به‌ خه‌نده‌ ناودێر کرد وه‌ک ده‌ڵێت "واشنتۆن داوای دانوستاندن ده‌کات و له‌ هه‌مان ده‌میشدا هه‌ڕه‌شه‌ی به‌کارهێنانی هێزی له‌شکری ده‌کات".

به‌ڵێن ساڵح، میوانداری مێزگرده‌که‌یه‌.
بۆ زانیاری زیاتر ده‌توانێت گوێ له‌ ده‌قی مێزگرده‌که‌ بگریت:

XS
SM
MD
LG