Accessibility links

موحه‌مه‌د مورسی سه‌رۆکی له‌کارخراوی میسر سبه‌ی دووشه‌ممه‌ له‌ قاهیره‌ دادگایی ده‌کرێت به‌ تاوانی وه‌ک ده‌گوترێت هاندان بۆ کوشتنی ئه‌و خۆپیشانده‌رانه‌ی له‌ مانگی 12 ی ڕابردوودا له‌ ده‌ره‌وه‌ی کۆشکی کۆماری وڵاته‌که‌دا ناڕه‌زاییان ده‌رده‌بڕی.

ئه‌مه‌ش یه‌که‌مین ده‌رکه‌وتنی ئاشکرای مورسی ده‌بێت له‌ پرۆسه‌ی دادگاییکردنه‌که‌یدا له‌وه‌تای له‌شکری میسر له‌ مانگی حه‌وتدا له‌ ده‌سه‌ڵات لایدا و له‌ گرتوخانه‌ هێشتیه‌وه‌.

چاودێر ده‌ڵێن له‌وانه‌یه‌ داگاییکردنه‌که‌ ببێته‌ مایه‌ی ناڕه‌زایی ده‌ربڕینی لایه‌نگرانی مورسی که‌ ده‌ڵێن له‌شکر شکستی هێنا له‌ ڕێزگرتنی هه‌ڵبژاردنی موحه‌مه‌د مورسی بۆ پۆستی سه‌رۆکایه‌تی وڵاته‌که‌.


موحه‌مه‌د ئه‌لدومیاتی پارێزه‌رێکی داکۆکیکاری ئیخوانولموسلمینه‌کانی میسره و ده‌ڵێت شه‌قامه‌کانی میسر گڕیان گرتووه‌ ، و هه‌ندێک فاکته‌ریش هه‌ن ئاوره‌که‌ زیاتر ده‌که‌ن، به‌ دڵنیاییه‌وه‌ ده‌رکه‌وتنی دکتۆر مورسی له‌ دادگادا یه‌کێک ده‌بێت له‌و فاکته‌رانه‌ که‌ هه‌ستی شۆڕشخوازی زیاد ده‌که‌ن.

له‌شکری میسر ده‌ڵێت ده‌بوایه‌ مورسی له‌ ده‌سه‌ڵات لابدرایه‌ چونکه‌ باوه‌ڕ و متمانه‌ی خه‌ڵکی له‌ده‌ستدا .
XS
SM
MD
LG