Accessibility links

کۆمه‌ڵه‌یه‌ک: ژماره‌ی قوربانیانی ئاکامی شه‌ڕی ناوخۆی سوریا گه‌یشته‌ زیاتر له‌ 120 هه‌زار که‌س


کۆمه‌ڵه‌ی چاودێری مافه‌کانی مرۆڤی سوریا بنکه‌ له‌ به‌ریتانیا ده‌ڵێت ئه‌و شه‌ڕه‌ ناوخۆیـیه‌ی که‌وا بۆ زیاتر له‌ دوو سـاڵ و نیوه‌ له‌ سوریا درێژه‌ی کێشاوه‌، بووه‌ته‌ هۆی کوژرانی زیاتر له‌ 120 هه‌زار و 296 که‌س، له‌وانه‌ 61 هه‌زار و 67 که‌سیان خه‌ڵـکی سیڤیلن و 6 هه‌زار و 365 که‌سیان منداڵن.
کۆمه‌ڵه‌که‌ ده‌شڵێت 29 هه‌زار و 954 که‌سیان له‌ هێزه‌کانی له‌شکری حکومه‌ت بوون و 18 هه‌زار و 678 که‌سیان چه‌کدارانی سه‌ر به‌ حکومه‌ت، 187 که‌سیشیان چه‌کداری حزبوڵڵا.
هه‌روه‌ها 2 هه‌زار و 202 سه‌ربازی هه‌ڵاتوو له‌ نێو کوژراوه‌کاندان و نزیکه‌ی 5 هه‌زار و 375 که‌سیشیان چه‌کدارانی ئۆپـۆزسیۆن بوون.
نه‌ته‌وه‌ یه‌کگرتووه‌کان له‌ 25 ی مانگی حه‌وت ڕایگه‌یاند که‌وا مه‌زه‌نده‌ ده‌کرێت 100 هه‌زار که‌س به‌هۆی ئه‌و شه‌ڕه‌ ناوخۆیـیه‌ی سوریا هه‌تا ئه‌و ده‌مه‌ کوژرابن. له‌و کاته‌وه‌ هه‌تا ئێسـتا ئه‌م ده‌زگا نێوده‌وڵه‌تیـیه‌ هیچ ئامارێـکی نوێی له‌م باره‌یه‌وه‌ ڕانه‌گه‌یاندووه‌.
XS
SM
MD
LG