Accessibility links

دکتۆر که‌ژاڵ ڕه‌حمانی: کوردی ڕۆژهه‌ڵات له‌ ده‌ره‌وه‌ ده‌توانێت ببێته‌ فشار به‌سه‌ر لایه‌نه‌کانه‌وه‌ بۆ پێکهێنانی به‌ره‌یه‌کی یه‌کگرتووی کوردستانی

  • Balen Salih

دکتۆر که‌ژاڵ ڕه‌حمانی: کوردی ڕۆژهه‌ڵات له‌ ده‌ره‌وه‌ ده‌توانێت ببێته‌ فشار به‌سه‌ر لایه‌نه‌کانه‌وه‌ بۆ پێکهێنانی به‌ره‌یه‌کی یه‌کگرتووی کوردستانی

زۆرێک له‌ چاودێر له‌وبڕوایه‌دان یه‌کێک له‌ ئه‌رکه‌ سه‌ره‌کیه‌کانی لایه‌نه‌ سیاسیه‌کانی کوردستانی ئێران پێکهێنانی به‌ره‌یه‌کی کوردستانیه‌.

ئه‌م ئه‌رکه‌ له‌و ڕوانگه‌یه‌وه‌ به‌ پێویست ده‌زانرێت تا یه‌ک به‌رنامه‌یی و یه‌ک هه‌ڵوێستی بێته‌ ئاراوه‌ له‌سه‌ر داواکانی گه‌لی کورد له‌ ئێراندا و نیشاندانی ستراتیژیه‌تێکی نوێی کارکردن بێت له‌م قۆناغه‌دا که‌ ده‌شێت ڕه‌وشی ئێستای ڕۆژهه‌ڵاتی ناوه‌ڕاست کاریگه‌ری هه‌بێت به‌سه‌ر کۆماری ئیسلامی ئێرانه‌وه‌.

دکتۆر که‌ژاڵ ڕه‌حمانی، پسپۆڕی ئه‌نترۆپۆلۆژی له‌ زانکۆی هارڤارد ده‌ڵێت پێویسته‌ لایه‌نه‌ سیاسیه‌کانی کورد له‌ ئێراندا کار له‌سه‌ر ڕه‌واندنه‌وه‌ی ناکۆکیه‌کانیان بکه‌ن تا بتوانرێت زه‌مینه‌یه‌ک بڕه‌خسێت بۆ پێکهێنانی ئه‌و به‌ره‌ کوردستانیه‌ یه‌کگرتووه‌.

دکتۆر که‌ژاڵ ده‌شڵێت ئه‌گه‌ر بێتوو لایه‌نه‌کان خۆیان هه‌نگاو نه‌نێن ئه‌وا پێویست ده‌کات کوردی ڕۆژهه‌ڵات له‌ ناوه‌وه و له‌ ده‌ره‌وه‌ش ئه‌و هه‌نگاوه‌ بنێن وه‌ک فشارێک بۆسه‌ر ته‌واوی پارتیه‌ سیاسیه‌کانی ڕۆژهه‌ڵاتی کوردستان.

له‌گه‌ڵ ته‌واوی ناکۆکی و جیاوازیه‌کانی نێوان یه‌ک به‌ یه‌کی لایه‌نه‌کانی کوردستانی ئێران، زۆربه‌ی چاودێر و شیکه‌ره‌وه‌ له‌گه‌ڵ پێکهێنانی به‌ره‌یه‌کی یه‌کگرتوودان له‌ کوردستانی ئێراندا و وه‌ک ده‌ڵێن ته‌نانه‌ت ئه‌گه‌ر نه‌شتوانێت ئامانجه‌ سه‌ره‌کیه‌کانی خۆی بپێکێت به‌ڵام هۆکار ده‌بێت بۆ شکاندنی به‌سته‌ڵه‌کی په‌یوه‌ندیه‌کانی نێوان ئه‌و لایه‌نانه‌.

له‌سه‌ر بنچینه‌ی وتووێژه‌که‌یدا له‌گه‌ڵ دکتۆر که‌ژاڵ ڕه‌حمانی، به‌ڵێن ساڵح ڕاپۆرتێکی ئاماده‌کردووه‌.

زانیاری زیاتر له‌ ده‌قی ڕاپۆرته‌که‌دایه‌:
XS
SM
MD
LG