له‌ سۆماڵیا ڕۆژنامه‌وانه‌ برینداره‌که‌ ده‌مرێت

ڕۆژنامه‌وانێکی سۆماڵیایی ده‌ڵێت هاوکاره‌که‌ی که‌ ڕۆژی سێشه‌ممه‌ چه‌کداره‌کان هێرشیان کرده‌ سه‌ر به‌هۆی سه‌ختی برینه‌که‌یه‌وه‌ دره‌نگانێکی شه‌وی شه‌ممه‌ له‌ نه‌خۆشخانه‌ مردووه‌.

کۆمیته‌ی پارێزگاریکردن له‌ ڕۆژنامه‌وانان ده‌ڵێت نه‌شته‌رگه‌ری بۆ ڕۆژنامه‌وان موحه‌مه‌د مه‌حمود کراوه‌ پاش ئه‌وه‌ی چه‌کداره‌کان شه‌ش جار ته‌قه‌یان لێکردبوو.

به‌پێی ئه‌م ڕێکخراوه‌ داکۆکیکاره‌ له‌ ڕۆژنامه‌وانان ، موحه‌مه‌د مه‌حمود ته‌مه‌نی 26 ساڵ بووه‌ و په‌یامنێری که‌ناڵی (یونیڤێرسال تی ڤی) به‌ریتانی بووه‌.

ئه‌م که‌ناڵه‌ ته‌لفزیۆنیه‌ی که‌رتی تایبه‌ت هه‌واڵه‌کانی سۆماڵیا بڵاوده‌کاته‌وه‌.