Accessibility links

دوو فڕۆکه‌ی جه‌نگی تورکیا ڕووبه‌ڕووی فڕۆکه‌یه‌کی له‌شکری ڕووسیا ده‌بنه‌وه‌

  • VOA News

له‌شـکری تورکیا ڕۆژی چوارشه‌ممه‌ ڕایگه‌یاند که‌وا 2 فڕۆکه‌ی جه‌نگی خۆی له‌ جۆری F-16 ڕووبه‌ڕووی فڕۆکه‌یه‌کی جۆری Ilyushin II-20 ی له‌شـکری ڕووسیا بوونه‌ته‌وه‌ له‌ نزیک که‌ناره‌کانی تورکیا.
سه‌رۆکایه‌تی له‌شـکری تورکیا له‌ به‌یانـنامه‌که‌یدا گوتیشی هه‌ردوو فڕۆکه‌ تورکیـیه‌که‌ له‌ نزیک به‌نده‌ری ئۆردوو له‌سه‌ر ئاوی نێوده‌وڵه‌تی ده‌ریای ڕه‌ش ڕووبه‌ڕووی فڕۆکه‌ ڕووسیـیه‌که‌ بوونه‌ته‌وه‌ و پاشان چاودێریـیان کردووه‌ تاوه‌کو له‌ ئاسمانی سنووره‌کانی جۆرجیا‌ بۆ بولگاریا تێپه‌ڕیبوو.
ده‌شڵێن هه‌تا ئێسـتا ڕوون نیـیه‌ بۆچی ئه‌و فڕۆکه‌یه‌ له‌ سنووره‌کانی تورکیا نزیک که‌وتبۆوه‌‌.
شایه‌نی باسه‌ به‌ ده‌گمه‌ن حاڵه‌تی له‌م جۆره‌ له‌ نێوان تورکیا و ڕووسیا ڕووده‌دات.
XS
SM
MD
LG