Accessibility links

کۆمسیۆنی هه‌ڵبژاردنه‌کانی ئه‌فغانسـتان 16 کاندید له‌ هه‌ڵبژاردنی سه‌رۆکایه‌تی دورده‌خاته‌وه‌

  • VOA News

زیاتر له‌ نیوه‌ی ئه‌وانه‌ی خۆیان بۆ هه‌ڵبژاردنه‌کانی سـاڵی داهاتووی سه‌رۆکایه‌تی ئه‌فغانسـتان کاندیدکردبوو، له‌ لایه‌ن کۆمسیۆنی هه‌ڵبژاردنه‌کانی ئه‌و وڵاته‌وه‌ دورخراونه‌ته‌وه‌.
ڕۆژی سێشه‌ممه‌ کۆمسیۆنی سه‌ربه‌خۆی هه‌ڵبژاردنه‌کانی ئه‌فغانسـتان گوتی 16 له‌و 26 که‌سه‌ی خۆیان کاندیدکردبوو دورخراونه‌ته‌وه،‌ به‌هۆی ئه‌وه‌ی ده‌نگده‌ری پـێویستیان نیـیه‌ یان فۆرمه‌کانیان به‌ ته‌واوی بڕنه‌کردووه‌ته‌وه‌.
به‌پـێی یاسای هه‌ڵبژاردنه‌که‌ ده‌بێت کاندیده‌کانی سه‌رۆکایه‌تی ناوی 100 هه‌زار پـشتیوانکه‌ری خۆیان له‌ به‌ لانی که‌م له‌ 20 ناوچه‌ کۆبکه‌نه‌وه‌ و هه‌روه‌ها یه‌ک ملیۆن ئه‌فغانی که‌ ده‌کاته‌ نزیکه‌ی 18 هه‌زار دۆلار، وه‌ک پـێشـه‌کی دابنێن.
له‌ ئێسـتادا 10 کاندید ماونه‌ته‌وه‌، له‌وانه‌ قایم کارزایی برای حامید کارزایی سه‌رۆکی ئه‌فغانسـتان، عه‌بدوڵڵا عه‌بدوڵڵا وه‌زیری پـێشـووی ده‌ره‌وه‌، ئه‌شه‌رف غانی وه‌زیری پـێشـووی دارایی.
به‌ڵام ئه‌وانه‌شی دورخراونه‌ته‌وه‌ مافی ئه‌وه‌یان هه‌یه‌ داوای پـێاداچوونه‌وه‌ به‌ بڕیاری کۆمسیۆندا بکه‌ن. لیستی کۆتایی کاندیده‌کان له‌ 16 ی مانگی یازده‌ ڕاده‌گه‌یه‌نرێت.
XS
SM
MD
LG