Accessibility links

له‌ هێرشێـکدا بۆ سه‌ر به‌ڕێوه‌به‌رایه‌تی پـۆلیسی فه‌لـلوجه‌ 5 پـۆلیس ده‌کوژرێن

  • VOA News

کاربه‌ده‌سـتانی عێراق ده‌ڵێن هێرش کراوه‌ته‌ سه‌ر به‌ڕێوه‌به‌رایه‌تی پـۆلیس له‌ شـارۆچکه‌ی فه‌لـلوجه‌ له‌ ڕۆژئاوای عێراق و له‌ ئاکامدا ژماره‌یه‌ک چه‌کدار و 5 پـۆلیس کوژراون.
کاربه‌ده‌سـتێـکی پـۆلیس گوتی به‌یانی دووشه‌ممه‌ دوو خۆکوژ خۆیان لای به‌ڕێوه‌به‌رایه‌تی پـۆلیسی فه‌لـلوجه‌ ته‌قانده‌وه‌، یه‌که‌میان له‌ به‌رده‌م خاڵی سه‌ره‌کی پـشـکنینی به‌ڕێوه‌به‌رایه‌تیـیه‌که‌ و ئه‌وی دیکه‌یان له‌ نزیک ده‌روازه‌که‌یدا.
پاشـان ژماره‌یه‌ک چه‌کدار هه‌وڵیان داوه‌ خۆیان به‌ به‌ڕێوه‌به‌رایه‌تیـیه‌که‌دا بکه‌ن، به‌ڵام هێزه‌کانی پـۆلیس ڕووبه‌ڕوویان بوونه‌ته‌وه‌ و شه‌ڕه‌ ته‌قه‌ هه‌ڵگیرسـاوه‌. هه‌روه‌ها له‌ ئاکامی ئه‌م هێرشه‌ 9 پـۆلیسیش برینداربوون.
دوای ڕووداوه‌که‌ هێزه‌کانی ئاسایش بۆ چه‌ند کاژمێرێـک بڕیاری قه‌ده‌غه‌ی هاتووچۆیان له‌ شـارۆچکه‌که‌ دا.
XS
SM
MD
LG