Accessibility links

تورکیا ڕاپـۆرته‌که‌ی واشنتن پـۆست ڕه‌تده‌کاته‌وه‌

  • VOA News

ده‌سه‌ڵاتدارانی تورکیا ئه‌و ڕاپـۆرته‌ی واشنتن پـۆست ڕه‌تده‌که‌نه‌وه‌ که‌ تیایدا تورکیا تاوانبارده‌کات به‌ ئاشـکراکردنی شـانه‌یه‌کی سیخوڕی ئیسرائیلی بۆ ئێران‌.
ئه‌حمه‌د داوود ئۆغڵو وه‌زیری ده‌ره‌وه‌ تورکیا له‌ باره‌ی ڕاپـۆرته‌که‌ گوتی ئه‌م زانیاریـیانه‌ به‌ هیچ شێوه‌یه‌ک ڕاست نیـن‌، وه‌ به‌ پـێچه‌وانه‌وه‌ ڕاپـۆرته‌که‌ نیشـانی ده‌دات هاکان فیدان به‌رپـرسی هه‌واڵگری تورکیا کاره‌کانی به‌ شێوه‌یه‌کی ڕێک‌وپـێـک ئه‌نجام داوه‌.
گوتیشی ئه‌م ئیدیعایانه‌ و ناوهێنانی هاکان فیدان ڕاست نیـیه‌ و پـرۆپاگه‌نده‌یه‌کی زۆر خراپه‌ له‌ دژی تورکیا.
جێی ئاماژه‌یه‌ ڕاپـۆرته‌که‌ی واشنتن پـۆست ده‌ڵێت له‌ سه‌ره‌تاکانی سـاڵی 2012 ، حکومه‌تی تورکیا 10 سیخوڕی ئێرانی که‌ بۆ مۆسـادی ئیسرائیلی کاریان ده‌کرد و‌ له‌ تورکیا له‌گه‌ڵ کارمه‌ندانی مۆسـاد به‌ نهێنی کۆده‌بوونه‌وه‌، بۆ ئێرانی ئاشـکراکردووه‌.
XS
SM
MD
LG