Accessibility links

ئاگاداری: به‌رنامه‌ی هه‌له‌و واشنتن تایبه‌ت ده‌بێت به‌ هه‌وڵه‌کان بۆ سـازکردنی کۆنگره‌ی ئاشته‌وایی بۆ سوریا


وڵاته‌ یه‌کگرتووه‌کانی ئه‌مه‌ریکا و ڕووسیا وا بۆ چه‌ند مانگێـکه‌ هه‌وڵ ده‌ده‌ن حکومه‌ت و لایه‌نه‌ جۆراوجۆره‌کانی ئۆپـۆزسیۆنی سوریا بۆ سه‌ر مێزی دانوسـتاندن ڕابکێشن، به‌ڵام هه‌تا ئێستا هه‌وڵه‌کانیان بێ ئه‌نجام بوون‌.
ئاژانسی ده‌نگ‌وباسی ڕیـیا نۆڤۆسـتی ڕووسیا له‌ زاری قه‌دری جه‌میل ڕۆژی پـێـنجشه‌ممه‌ بڵاویکرده‌وه‌ که‌ گوتویه‌تی کۆنگره‌که‌ له‌ 23 و 24 ی مانگی یازده‌ سـازده‌کرێت.
پـێشـتر هه‌ر له‌م هه‌فته‌یه‌دا جان کێری وه‌زیری ده‌ره‌وه‌ی ئه‌مه‌ریکا و ئه‌خزه‌ر ئیبراهیمی نێردراوی تایبه‌تی نه‌ته‌وه‌ یه‌کگرتووه‌کان و کۆمکاری عه‌ره‌ب بۆ قه‌یرانی سوریا گوتیان کۆنگره‌یه‌کی نێوده‌وڵه‌تی بۆ دامه‌زراندنی حکومه‌تێـکی قۆناغی گواستنه‌وه‌ له‌ سوریا ده‌بێت به‌ په‌له‌ ڕێـکبخرێت و به‌ زووترین کات بـبه‌سـترێت.
ئه‌مه‌ بابه‌تی به‌رنامه‌ی هه‌له‌و واشنتنی ڕۆژی هه‌ینی ده‌بێت که‌ له‌ کاژمێری 10 ی به‌یانی به‌ کاتی واشنتن ڕاسته‌وخۆ له‌ لایه‌ن موعته‌به‌ر شیروانی و حه‌یده‌ر که‌ریم به‌ڕێوه‌ی ده‌برێت و ئه‌م به‌ڕێزانه‌ میوانه‌کان ده‌بن:
دکتۆر سه‌عده‌دین مولـلا، ئه‌ندامی پارتی یه‌کێتی کورد له‌ سوریا.
زوهات کوبانی، به‌رپـرسی په‌یوه‌ندیـیه‌کانی ده‌ره‌وه‌ی پارتی یه‌کێتی دیموکراتیک (په‌یه‌ده‌) له‌ ئه‌وروپا.
ئێوه‌ش ده‌توانن له‌ ڕێگه‌ی ئیمه‌یڵ و فه‌یسبوک ڕاوبۆچوون و پـرسیاره‌کانی خۆتان بۆ به‌رنامه‌که‌ ڕه‌وانه‌ بکه‌ن. یان ژماره‌ ته‌له‌فونه‌کانتان به‌ ئیمه‌یڵ بۆمان ڕه‌وانه‌ بکه‌ن تاوه‌کو خۆمان په‌یوه‌ندیتان پـێوه‌ بکه‌ین.
Tel: +1-202-619-3062
Email: kurdish@voanews.com
Facebook: voa.kurdish
XS
SM
MD
LG