ئۆتۆمبیلێـکی بۆمبڕێژکراو له‌ گوندێـکی شه‌به‌که‌کان له‌ موسڵ ده‌ته‌قێته‌وه‌ و 16 که‌س ده‌کوژرێن

ڕۆژی پـێـنجشه‌ممه‌ ئۆتۆمبیلێـکی بۆمبڕێژکراو له‌ گوندی ئه‌لموفه‌قیـیه‌ی سه‌ر به‌ شـارۆچکه‌ی به‌رتڵـڵه‌ له‌ ڕۆژهه‌ڵاتی شـاری موسڵ ته‌قیوه‌ته‌وه‌ و له‌ ئاکامدا 16 که‌س کوژراون و زیاتر له‌ 60 که‌سیش برینداربوون.
هه‌روه‌ها به‌هۆی به‌هێزی ته‌قینه‌وه‌که‌ 7 خانوو وێران بوون و زیاتر له‌ 22 خانووی دیکه‌ زیانیان پـێـگه‌یشـتووه‌.
پـێشـتر یاخیبووان له‌ موسڵ هه‌ڕه‌شه‌یان له‌ شه‌به‌که‌کان کردبوو ناوچه‌کانیان چۆڵ بکه‌ن.
جێی ئاماژه‌یه‌ زۆربه‌ی شه‌به‌که‌کان له‌ ئاینزای شیعه‌ن.