بۆمبێـک له‌ نزیک مزگه‌وتێـکی سووننه‌ له‌ که‌رکوک ده‌ته‌قێته‌وه‌ و 12 که‌س ده‌کوژرێن

بۆمبێـکی چێنراو له‌ نزیک مزگه‌وتێـکی سووننه‌ له‌ باشوری شـاری که‌رکوک ده‌ته‌قێته‌وه‌ و له‌ ئاکامدا 12 که‌س کوژراون و 24 که‌سیش برینداربوون.
ته‌قینه‌وه‌که‌ له‌و ده‌مه‌دا بوو‌ که‌ خه‌ڵـکی له‌ نوێژی جه‌ژن لێبووبوونه‌وه‌ له‌ مزگه‌وتی قودسی گه‌ڕه‌کی زوبـبات‌ و ده‌هاتنه‌ ده‌رێ.
ئه‌م ته‌قینه‌وه‌یه‌ پاش ئه‌وه‌ دێت که‌ شه‌ڕێـکی توند له‌ نێوان چه‌کدارانی سه‌ر به‌ قاعیده‌ و ئه‌نساری شه‌ریعه‌ له‌ نزیک شـارۆچکه‌ی ڕه‌شـاد له‌ باشوری ڕۆژئاوای که‌رکوک ڕوویدا. به‌پـێی هه‌واڵه‌کان به‌ لایه‌نی که‌م 8 که‌س له‌و شه‌ڕه‌دا کوژراون و چه‌ند که‌سێـکیش برینداربوون.