Accessibility links

ئه‌مین فه‌ره‌ج: ئه‌گه‌ر سه‌ره‌ک وه‌زیر وه‌های گوتبێت ئه‌وا بێ ویژدانیه‌که‌ به‌رامبه‌ر ئۆپزسیۆن


 ئه‌مین فه‌ره‌ج
ئه‌مین فه‌ره‌ج
سه‌رۆکی کابینه‌ی حکومه‌تی هه‌رێمی کوردستانی عێراق ده‌ڵێت ئۆپزسیۆن له‌ هه‌رێمدا ڕێوشوێنی هاوار هاوار و هاویشتنی بوتڵه‌ ئاوی گرتبووه‌به‌ر و هه‌ر ئه‌وه‌ش ده‌ستکه‌وتیان بووه.

نێچیرڤان بارزانی له‌ میانه‌ی وتووێژه‌که‌یدا له‌گه‌ڵ ڕۆژنامه‌ی ئه‌لشه‌رق ئه‌لئه‌وسه‌ت ئاماژه‌شی به‌وه‌ کردووه‌ ده‌بێت ئۆپزسیۆن هه‌ست به‌وه‌ بکات که‌ هاوبه‌شه‌ له‌گه‌ڵ حکومه‌تدا نه‌ک دوژمنی بێت و ناشبێت شێوازێکی دوژمنکارانه‌ بگرێته‌به‌ر. ‌

نێچیرڤان بارزانی
نێچیرڤان بارزانی
بارزانی ده‌شڵێت مه‌خابن کاتێک له‌گه‌ڵ ئۆپزسیۆندا وتووێژ ده‌که‌یت ده‌ڵێت هیچ شتێکی باش نییه‌ که‌ حکومه‌ت کردبێتی، ئه‌وه‌تا چوار ساڵ ئه‌زموونی ئۆپزسیۆن بوون هه‌یه‌ و ئێستا ده‌توانن له‌ حکومه‌تدا بن و خۆیان تاقیبکه‌نه‌وه‌، له‌وبڕوایه‌دام گه‌لی ئێمه‌ له‌ هه‌رێم بڕیاری خۆی دا له‌ ڕێی سندوقه‌کانی ده‌نگدانه‌وه‌ کێ ڕاست بووه‌ و متمانه‌ی خۆشیان به‌ کێ ده‌ده‌ن.

ئه‌مین فه‌ره‌ج، پسپۆڕی زانسته‌ سیاسیه‌کان له‌ زانکۆی سه‌ڵاحه‌دین ده‌ڵێت پارتی دیموکراتی کوردستان و یه‌کێتی نیشتیمانی کوردستان زۆر جار گه‌واهییان داوه‌ ئۆپزسیۆن له‌ هه‌رێمی کوردستانی عێراق هه‌ندێک هه‌نگاوی باشی ناوه‌ و هه‌ندێک له‌ که‌موکوڕیه‌کانی سیسته‌می سیاسی هه‌رێمییشی خستۆته‌ ڕوو.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح ، به‌ڕێز فه‌ره‌ج ده‌شڵێت وه‌ک هه‌موو شته‌کانی تر ئۆپزسیۆن لایه‌نی باش و لایه‌نی خراپیشی هه‌یه‌ و ئه‌گه‌ریش ئۆپزسیۆن که‌موکوڕیشی هه‌بووبێت له‌ چوار ساڵی ڕابردوودا ئه‌وا به‌شێکی ده‌گه‌ڕێته‌وه‌ بۆ ئه‌و ته‌گه‌ره‌ و گرفتانه‌ی لایه‌نه‌کانی به‌رامبه‌ر وه‌ک هۆکاری بابه‌تی بۆ ئۆپزسیۆنی دروستکرد، هه‌ربۆیه‌ له‌و ماوه‌یه‌داده‌ستکه‌وتیشی هه‌بووه‌ و که‌موکوڕیشی هه‌بووه‌.

به‌ڕێز فه‌ره‌ج ده‌ڵێت ئه‌و جۆره‌ ڕاگه‌یاندنانه‌ دژ به‌و ئاڕاسته‌یه‌یه‌ که‌ داوای پێکهێنانی حکومه‌تێکی بنکه‌ فراوان ده‌کات و وه‌ک ئاماژه‌شی پێده‌کات کاریگه‌ری نه‌رێنیش دروست ده‌کات.

زانیاری زیاتر له‌ ده‌قی وتووێژه‌که‌دایه‌:

please wait

No media source currently available

0:00 0:09:11 0:00
Direct link
XS
SM
MD
LG