Accessibility links

ئه‌مریکاییه‌ک له‌ زیندانێکی میسردا ده‌مرێت


کاربه‌ده‌ستانی ئاسایشی له‌ وڵاتی میسر ده‌ڵێن هاووڵاتیه‌کی وڵاته‌ یه‌کگرتووه‌کانی ئه‌مریکا که‌ له‌ نیمچه‌ دوڕگه‌ی سینا ده‌ستگیرکرابوو، له‌ ژووری گرتوخانه‌که‌یدا مردووه‌ و ‌وه‌ک ده‌گوترێت پێده‌چێت خۆی خۆی کوشتبێت.

کاربه‌ده‌ستان گوتوویانه‌ ئه‌مڕۆ یه‌کشه‌ممه‌ ته‌رمی جه‌یمس هێنری بینراوه‌ که‌ خۆی هه‌ڵواسیووه‌ له‌ ژووری گرتوخانه‌ی که‌ناڵی سویس.

له‌ مانگی هه‌شتی ڕابردوودا له‌ باکوری سینا ده‌سه‌ڵاتدارانی میسر ئه‌م هاوڵاتیه‌ ئه‌مریکاییه‌یان ده‌ستگیر کرد به‌ گومانی پێشێلکردنی ئه‌و قه‌ده‌غه‌کردنه‌ی هات و چۆ که‌ وه‌ک به‌شێک بوو له‌ سه‌رکوتکردنی چالاکیه‌کانی ئۆپزسیۆن و هه‌روه‌هاش کۆت و به‌ندکردنی جم و جۆڵی میلیشیاکان.

له‌ ده‌می پرسیار و وه‌ڵامدا هێنری به‌ میسریه‌کانی گوتبوو ئه‌فسه‌رێکی ئه‌مریکایی خانه‌نشینه‌.

تا ئاماده‌کردنی ئه‌م هه‌واڵه‌ هێشتا باڵیۆزخانه‌ی ئه‌مریکا له‌ قاهیره‌ هیچ تێبینیه‌کی نه‌داوه‌ له‌سه‌ر ئه‌م دۆسێیه‌ی جه‌یمس هێنری.
XS
SM
MD
LG