Accessibility links

به‌هۆی نوقم بوونی به‌له‌مێکی کۆچبه‌ران له‌ ئیتالیا 30 که‌س گیان له‌ ده‌ست ده‌ده‌ن

  • VOA News

کاربه‌ده‌ستانی ئیتالی ده‌ڵێن به‌له‌مێک له‌ سنوری ئاوی سیسیلی نوقم بووه‌ و به‌لایه‌نی که‌م 30 که‌سی تێدا کوژراوه‌، ئه‌مه‌ش دووه‌م ڕووداوی به‌وشێوه‌یه‌یه‌ له‌م مانگه‌دا له‌و ناوچه‌یه‌ ڕووبدات.
ته‌رمه‌کان براون بۆ دورگه‌ی لامپدوسا.
کاربه‌ده‌ستان ده‌ڵێن زیاتر له‌ 200 کۆچبه‌ر ڕزگار کران پاش ئه‌وه‌ی پاسه‌وانانی سنوری ده‌ریایی له‌لایه‌ن کارمه‌ندانی به‌له‌مه‌که‌وه‌ ئاگادار کرانه‌وه‌.
برینداره‌کانیش ڕه‌وانه‌ی نه‌خۆشخانه‌ی دورگه‌ی لامپدوسا کراون.
ئه‌م ڕووداوه‌ش نزیکه‌ی دوو هه‌فته‌ پاش ئه‌و ڕووداوه‌یه‌ که‌ به‌له‌مێکی کۆچبه‌رانی ئه‌فریکایی له‌ هه‌مان دورگه‌دا نوقم بوو و زیاتر له‌ 300 که‌سی تێدا کوژرا.
دورگه‌ی لامپدوسا له‌ ڕووی جوگرافیاوه‌ له‌ ئه‌فریکا نزیکتره‌ تا وڵاتی ئیتالیا. ئه‌و ئافریکاییانه‌ی که‌ ده‌یانه‌وێت ژیانێکی نوێ له‌ ئه‌وروپا ده‌ست پێبکه‌ن له‌و دوورگه‌یه‌وه‌ ده‌ست پێده‌که‌ن.
XS
SM
MD
LG