Accessibility links

هێشتا کۆشـکی سـپی و کۆنگرس به‌ ڕێـکه‌وتنێـک له‌سه‌ر مه‌سه‌له‌ی بوجه‌ نه‌گه‌یشـتوون

  • VOA News

کۆشـکی سـپی وڵاته‌ یه‌کگرتووه‌کانی ئه‌مه‌ریکا ده‌ڵێت هێشـتا هیچ ڕێـکه‌وتنێـک له‌گه‌ڵ کۆماریـیه‌کان له‌ کۆنگرس به‌ده‌سـت نه‌هێنراوه‌ بۆ کۆتایی هێنان به‌ بنبه‌سـتی سـیاسی له‌ باره‌ی دابینکردنی بوجه‌ بۆ حکومه‌تی فیدراڵی وڵات و به‌رزکردنه‌وه‌ی ئاستی توانای حکومه‌ت بۆ قه‌رزه‌کردن، به‌ڵام هه‌ردوو لایه‌نی دیموکرات و کۆماری کۆکن له‌سه‌ر درێژه‌دان به‌ وتووێژه‌کانیان له‌م باره‌یه‌وه‌.
سه‌رۆک ئۆبامای دیموکرات پاش سـازدانی کۆبوونه‌وه‌یه‌ک له‌گه‌ڵ کۆماریـیه‌کانی ئه‌نجومه‌نی سینات له‌ ڕۆژی هه‌ینی، به‌ ته‌له‌فون قسه‌ی له‌گه‌ڵ جان به‌ینه‌ری کۆماری سه‌رۆکی ئه‌نجومه‌نی نوێنه‌ران کرد.
کۆشـکی سـپی و ئۆفیسی جان به‌ینه‌ر ڕایانگه‌یاند که‌ هه‌ردوو لایان واته‌ سه‌رۆک ئۆباما و جان به‌ینه‌ر ڕێـکه‌وتن له‌سه‌ر ئه‌وه‌ی پـێویسـته‌ پـێکه‌وه‌ درێژه‌ به‌ وتووێژه‌کانیان بده‌ن بۆ دۆزینه‌وه‌ی ڕێـگه‌ چاره‌یه‌ک بۆ داخسـتنی نیمچه‌یی داموده‌زگاکانی حکومه‌ت.
جێی ئاماژه‌یه‌ هه‌ریه‌ک له‌ سه‌رۆک ئۆباما و جان به‌ینه‌ر درکاندنی ورده‌کاری تایبه‌تی مه‌سه‌له‌که‌ ڕه‌تده‌که‌نه‌وه‌ و ناڵێن ئایه‌ وتووێژ له‌سه‌ر چی ده‌که‌ن له‌و ده‌مه‌ی هه‌وڵ ده‌ده‌ن کۆتایی بهێنن به‌م داخسـتنی به‌شـێکی داموده‌زگاکانی حکومه‌تی فیدراڵی که‌ له‌ 1ی مانگی ده‌وه‌ ده‌سـتیـپـکردووه‌.
XS
SM
MD
LG