Accessibility links

کۆماریــیه‌کان کار له‌سه‌ر به‌رنووسێـک ده‌که‌ن بۆ ڕزگارکردنی حکومه‌ت له‌ قه‌یرانی دارایی به‌ شێوه‌یه‌کی کاتی

  • VOA News

کۆماریـیه‌کانی کۆنگرس تاووتوێی به‌رنووسێک ده‌که‌ن تاوه‌کو بۆ ماوه‌یه‌کی کاتی ده‌سه‌ڵاتی قه‌رزی حکومه‌ت درێژ بکرێته‌وه‌ هه‌تا ئه‌و ده‌مه‌ی به‌ ڕێککه‌وتنێـکی کۆتایی له‌گه‌ڵ سه‌رۆک ئۆباما ده‌گه‌ن.
بڕیاره‌ ئه‌مڕۆ پێنجشه‌ممه‌ کۆماریـیه‌کانی ئه‌نجومه‌نی نوێنه‌ران باس له‌م مه‌سه‌له‌یه‌ بکه‌ن، چه‌ند کاتژمێریک به‌ر له‌وه‌ی گروپێکی بچووک له‌ کۆشکی سپی له‌گه‌ڵ سه‌رۆک ئۆباما کۆبـبنه‌وه‌.
سه‌رۆک هه‌موو 232 کۆمارییه‌کانی ئه‌نجومه‌نی نوینه‌رانی بانگهێشت کردبوو، به‌ڵام سه‌رۆکی ئه‌نجومه‌نی نوێنه‌ران جان به‌ینه‌ر ته‌نها 18 که‌س له‌ ئه‌ندامان ده‌نێرێت و ته‌نها ئه‌وانه‌ن که‌ له‌ پـۆسته‌ باڵاکانن.
هاوکات وه‌زیری خه‌زێنه‌ جاک لیو ئه‌مڕۆ پێنجشه‌ممه‌ له‌ به‌رده‌م کۆمیته‌ی سینات ئاماده‌بوو بۆ تاووتوێکردنی زیاکردنی ئاستی توانای حکومه‌ت بۆ قه‌رزکردن و گوتی هه‌ڵه‌یه‌کی گه‌وره‌ ده‌بێت ئه‌گه‌ر بێت و ئاستی قه‌رزکردنه‌که‌ زیانه‌کرێت. گوتیشی هه‌تا پـێـنجشه‌ممه‌ی داهاتوو خه‌زێنه‌ی حکومه‌ت ته‌نها 30 ملیار دۆلاری تیادا ده‌مێنێت و به‌مه‌ ناتوانێت حکومه‌ت موچه‌ و پاره‌کانی سه‌ر شـانی بدات.
پـێشـبینی ده‌کرێت هه‌تا 17 ی مانگی ده قه‌رزه‌کانی حکومه‌ت بگاته‌‌ 16.7 ترلیۆن دۆلار، واته‌ ئه‌و ئاسـته‌ی پـێشـتر کۆنگرس بۆ حکومه‌تی دانه‌وه‌ قه‌رز بکات.
XS
SM
MD
LG