Accessibility links

سه‌رۆک وه‌زیری لیبیا پاش ڕفاندنی بۆ چه‌ند کاژمێرێـک ئازاد ده‌کرێت

  • VOA News

سه‌رۆک وه‌زیری لیبیا عه‌لی زێدان ئازادکرا پاش ئه‌وه‌ی ڕۆژی پـێـنجشه‌ممه‌ ڕفێندرا و بۆ چه‌ند کاژمێرێـک ده‌سبه‌سه‌رکرا له‌ لایه‌ن کۆمه‌ڵێـک چه‌کداره‌وه‌.
چه‌کداره‌کان تاوانباریان کردووه‌ به‌ یارمه‌تیدانی ئه‌مه‌ریکایـیه‌کان له‌ ده‌سـتگیرکردنی ئه‌بو ئه‌نه‌س ئه‌لیبی، ئه‌ندامی ئه‌لقاعیده‌، ئه‌وه‌ی‌ دادگایه‌کی ئه‌مه‌ریکا تاوانباری کردووه‌‌ به‌ ته‌قینه‌وه‌کانی له‌ دژی هه‌ردوو باڵیۆزخانه‌ی ئه‌مه‌ریکا له‌ کینیا و تانزانیا له‌ سـاڵی 1998 ئه‌نجام دران و بوونه‌ مایه‌ی کوژرانی زیاتر له‌ 200 که‌س و برینداربوونی 5 هه‌زار که‌سی دیکه‌
له‌ ئێسـتادا عه‌لی زێدان گه‌یشـتووه‌ته‌ باره‌گای ئۆفیسه‌که‌ی له‌ ته‌رابلوس و چاوه‌ڕوان‌ده‌کرێت پاش که‌مێـکی دیکه‌ کۆنگره‌یه‌کی ڕۆژنامه‌وانی له‌ باره‌ی ڕفاندنه‌که‌یه‌وه‌ بۆ سـازبکرێت.
به‌پـێی تویته‌ری سه‌رۆک وه‌زیری لیبیا، چه‌کداره‌کان ویسـتوویانه‌ ناوبراو ده‌ست له‌ کارکه‌ی بکێشێته‌وه‌.
XS
SM
MD
LG