Accessibility links

جان کێری به‌نیازه‌ داوا له‌ چین بکات ناکۆکیـیه‌کانی له‌گه‌ڵ وڵاتانی ده‌وربه‌ری چاره‌سه‌ر بکات

  • VOA News

چاوه‌ڕوان‌ده‌کرێت جان کێری وه‌زیری ده‌ره‌وه‌ی ئه‌مه‌ریکا داوا له‌ ڕێبه‌رانی باشوری خۆرهه‌ڵاتی ئاسیا و ڕێبه‌رانی چین بکات چاره‌سه‌ری ناکوکی ناوچه‌کانی نێوانیان بکه‌ن که‌ زیابوونی گرژی و ئاڵۆزی له‌ ده‌ریای باشوری چینی لێـکه‌وتووه‌ته‌وه‌.
بڕیاره‌ وه‌زیری ده‌ره‌وه‌ی ئه‌مه‌ریکا ڕۆژی چوارشه‌ممه‌ له‌ برۆنی له‌گه‌ڵ لی که‌چیانگ سه‌رۆک وه‌زیری چین و ڕێبه‌رانی وڵاتانی ڕێـکخراوی باشوری خۆرهه‌ڵاتی ئاسیا کۆبـبێته‌وه‌ له‌ میانه‌ی‌ کۆنگره‌ی سـاڵانه‌ی خۆیان که‌ له‌ ئه‌مسـاڵدا له‌و وڵاته‌ بچوکه‌ ئه‌نجام ده‌درێت.
کاربه‌ده‌سـتانی ئه‌مه‌ریکا ده‌ڵێن وه‌زیری ده‌ره‌وه‌ی ئه‌مه‌ریکا گوشار ده‌خاته‌ سه‌ر چین بۆ چاره‌سه‌رکردنی ناکۆکیـیه‌کان له‌ ده‌ریای باشوری چیندا که‌ چوار وڵاتی ئه‌ندامی ڕێـکخراوی باشوری خۆرهه‌ڵاتی ئاسیا له‌و باره‌یه‌وه‌ کێشه‌یان له‌گه‌ڵ چیندا هه‌یه‌.
چین دوو دڵه‌ له‌و کۆنگره‌یه‌دا مشتومڕ له‌سه‌ر ئه‌و ناکۆکیـیانه‌ بکات و پـێی باشه‌ به‌ جودا له‌گه‌ڵ هه‌ریه‌ک له‌و وڵاتانه‌ کۆبـبێته‌وه‌ بکات.
XS
SM
MD
LG