Accessibility links

زۆربه‌ی ئه‌مه‌ریکایـیه‌کان له‌ کۆنگرسی وڵاته‌که‌یان ناڕازین

  • VOA News

هاوکاتی ئه‌وه‌ی هیچ هیوایه‌ک بۆ کۆتایی‌هاتنی قه‌یرانی دارایی سـاڵانه‌ی وڵاته‌ یه‌کگرتووه‌کانی ئه‌مه‌ریکا له‌ ئاسۆدا به‌دی ناکرێت، ڕاپـرسیـیه‌کی نوێ ئاماژه‌ی ئه‌وه‌ ده‌کات ته‌نها 5% هاوڵاتیانی ئه‌مه‌ریکایی له‌ شێوازی ڕاپه‌ڕاندنی کاری خودی کۆنگرسی وڵات ڕازین.
هه‌روه‌ها ڕاپـرسیـیه‌ نوێـیه‌که‌ گه‌یشـته‌ ئه‌و ده‌رئه‌نجامه‌ی له‌ کۆی ئه‌و 1200 که‌سه‌ی ڕایان وه‌رگیراوه‌ 62 % یان ئۆباڵی داخسـتنی نیمچه‌یی داموده‌زگاکانی حکومه‌تی ئه‌مه‌ریکا ده‌خه‌نه‌ ئه‌سـتۆی کۆماریـیه‌کانی نێو کۆنگرس.
ئه‌وه‌ی جێی گوتنه‌ ئاژانسی ئه‌سۆشیه‌تد پـرێس و هه‌روه‌ها JFK که‌ ڕاپـرسیـیه‌که‌یان له‌ ئه‌مه‌ریکا سـازداوه‌، گه‌یشـتوونه‌ته‌ ئه‌و ئه‌نجامه‌ی 37% ی له‌ کۆی 1200 هاوڵاتی ئه‌مه‌ریکایی که‌ ڕایان وه‌رگیراوه‌ له‌ شێوازی ڕاپه‌ڕاندنی کاره‌کانی وڵات له‌ لایه‌ن سه‌رۆک ئۆباماوه‌ په‌سه‌ند ده‌که‌ن.
دوێنێ هاوکاتی ئه‌وه‌ی ئه‌مه‌ریکا ڕووبه‌ڕووی دوا مۆڵه‌ت ده‌بێته‌وه‌ بۆ زیاکردنی ئاستی قه‌رزی وڵات یان دواکه‌وتن له‌ دانه‌وه‌ی قه‌رزه‌کانی، سه‌رۆک ئۆباما هه‌وڵی دا جیهان دڵنیا بکاته‌وه‌ له‌وه‌ی وڵاته‌ یه‌کگرتووه‌کانی ئه‌مه‌ریکا هه‌میشه‌ قه‌رزه‌کانی سه‌رشانی داوه‌ته‌وه‌.
هاوکات سه‌رۆک ئۆباما داوای له‌ کۆنگرس کرد بۆ ئه‌وه‌ی پـرۆژه‌ یاسایه‌ک بۆ خه‌رجیـیه‌کانی وڵات په‌سه‌ند بکات له‌ پـێناوه‌ وه‌گه‌ڕخستنه‌وه‌ی حکومه‌ت و هه‌روه‌ها به‌رزکردنه‌وه‌ی ئاستی قه‌رز، به‌ڵام دووباره‌ سه‌رۆک ئۆباما دانوسـتاندنی له‌گه‌ڵ کۆماریـیه‌کان ڕه‌تکرده‌وه‌، ئه‌وانه‌ی له‌ نێو خانه‌ی نوێنه‌راندا زۆرینه‌ن هه‌تا ئه‌و کاته‌ی کۆماریـیه‌کان ئه‌و پـرۆژه‌یه‌ یاسایه‌ بۆ خه‌رجیـیه‌کان تێپه‌ڕده‌که‌ن.
XS
SM
MD
LG