Accessibility links

ئه‌مه‌ریکا 100 دۆلاریـیه‌کی نوێ ده‌رده‌کات که‌ قورسه‌ ساخته‌ بکرێت

  • VOA News

وڵاته‌ یه‌کگرتووه‌کانی ئه‌مه‌ریکا ڕۆژی سێشه‌ممه‌ 100 دۆلاریـیه‌کی نوێی خسته‌ بازاڕه‌وه‌ که‌ سه‌روسیمای 100 دۆلاری پـێشـووی هه‌ر تێدایه‌، به‌ڵام چه‌ند هێمایه‌کی نوێی پـێوه‌یه‌ که‌ قورسه‌ بۆ ساخته‌کاران دروسـتیبکه‌ن.
ئه‌م دراوه‌ 100 دۆلاریـیه‌ نوێـیه‌ هێشـتا ڕه‌نگه‌ سه‌وزباوه‌که‌ی به‌سه‌ردا زاڵه‌ و وێنه‌ی بنجامین فرانکلین ڕابه‌ری شۆڕشی ئه‌مه‌ریکا به‌ر له‌ دوو سه‌ده‌ی له‌سه‌ر ماوه‌.
له‌ پاڵ وێنه‌که‌ی بنجامین فرانکلین په‌ڕی باڵنده‌یه‌ک هه‌یه‌ که‌ گه‌نم ڕه‌نگه‌ و له‌ ژێریدا شووشه‌ مه‌ره‌که‌بێـکی ڕه‌نگ بڕۆنزی دانراوه‌ که‌ له‌ ناویدا وێنه‌ی زه‌نگی ئازادی هه‌یه‌ و ئه‌ویش به‌پـێی لارکردنه‌وه‌ی دراوه‌که‌ ڕه‌نگه‌که‌ی ده‌گۆڕدرێت.
کاربه‌ده‌سـتانی ئه‌مه‌ریکا ده‌ڵێن هه‌رچه‌نده‌ 100 دۆلاری کۆن هێشـتا کاری پـێده‌کرێت، به‌ڵام ئه‌م 100 دۆلاریـیه‌ نوێـیه‌ به‌ شێوه‌یه‌کی سه‌ره‌کی بۆ ئه‌وه‌ کراوه‌ که‌ نه‌توانرێت 100 دۆلاری ساخته‌بکرێت.
جێی ئاماژه‌یه‌ 100 دۆلاری زۆرترین دراوی ئه‌مه‌ریکایـیه‌ که‌ له‌ جیهاندا کاری پـێده‌کرێت. یه‌ک له‌سه‌ر سێی ئه‌و زیاتر له‌ 8 ملیار 100 دۆلاریـیه‌ی چاپ کراون له‌ ده‌ره‌وه‌ی ئه‌مه‌ریکا کاریان پـێده‌کرێت.

XS
SM
MD
LG