Accessibility links

په‌رله‌مانی ئه‌وروپا ڕێنمایی توندی نوێ بۆ جگه‌ره‌کێشـان په‌سه‌ند ده‌کات

  • VOA News

یاسادانه‌رانی ئه‌وروپا ڕۆژی سێشه‌ممه‌ ڕێنمایی توندی نوێـیان په‌سه‌ندکرد له‌ به‌رامبه‌ر جگه‌ره‌کێشـان و بازاڕی جگه‌ره‌ که‌ به‌ چه‌ندین ملیار دۆلار له‌ سـاڵێـکدا مه‌زه‌نده‌ ده‌رکرێت.
له‌م ڕێنمایـیه‌ نوێـیه‌دا سـنوور بۆ بازاڕی جگه‌ره‌ی ئه‌لیکترۆنی داده‌نرێت و هه‌روه‌ها ده‌بێت ئاگاداری له‌ باره‌ی خراپـیـیه‌کانی جگه‌ره‌کێشـان له‌سه‌ر باکه‌ته‌کان به‌ قه‌باره‌ی گه‌وره‌ دابنرێن و تامی نه‌عنا و ئه‌و تامانه‌ی دیکه‌ی هانی جگه‌ره‌کێشـان ده‌ده‌ن له‌ پـێـکهاته‌ی جگه‌ره‌دا قه‌ده‌غه‌بکرێن.
ئه‌م ده‌نگدانه‌ی په‌رله‌مانی ئه‌وروپا که‌ له‌ سـتراسبێرگ به‌ڕێوه‌چوو، پاش چه‌ند مانگێـک له‌ مشتومڕی توند و هه‌وڵێـکی له‌ ڕاده‌ به‌ده‌ری کۆمپانیاکانی جگه‌ره‌ که‌ به‌ توندی ڕه‌خنه‌ له‌م ڕێنمایـیه‌ نوێـیانه‌ ده‌گرن و ده‌ڵێن نایه‌کسـانی تێدایه‌ و سـنوور بۆ ئازادی کڕیار داده‌نێت.
هه‌رچه‌نده‌ په‌رله‌مانی ئه‌وروپا چه‌ندین به‌هانه‌ی کۆمپانیـیه‌کانی ڕه‌تکرده‌وه‌، به‌ڵام له‌گه‌ڵ ئه‌وه‌شـدا چه‌ند بڕگه‌یه‌کی ڕێنمایـیه‌که‌ی سووک کرد.
له‌ ئێسـتادا ده‌بێت په‌رله‌مانی ئه‌وروپا له‌گه‌ڵ هه‌ر 28 حکومه‌تی وڵاتانی یه‌کێـتی ئه‌وروپادا تاووتوێی ڕێنمایـیه‌کان بکات به‌ر له‌وه‌ی بچێته‌ قۆناغی جێبه‌جێـکردنه‌وه‌.
XS
SM
MD
LG