Accessibility links

له‌ ئاکامی چه‌ند هێرشێـکی چه‌کداری له‌ میسر 9 له‌ ئه‌ندامانی هێزه‌کانی ئاسایش ده‌کوژرێن

  • VOA News

ڕۆژێـک پاش پـێـکدادانی خوێناوی نێوان ئیسلامیـیه‌کان و هێزه‌کانی پـۆلیس له‌ میسر و کوژرانی به‌ ده‌یان که‌س، ئه‌مڕۆ دووشه‌ممه‌ چه‌کداران له‌و وڵاته‌ هێرشیان کردووه‌ته‌ سه‌ر چه‌ند شوێـنێـکی حکومی و له‌ ئاکامدا 9 له‌ ئه‌ندامانی هێزه‌کانی ئاسایش کوژراون.
له‌ یه‌کێـک له‌ هێرشه‌کان کۆمه‌ڵێـک چه‌کداری نه‌ناسراو له‌ نزیک شـاری ئیسماعیلیـیه‌ ته‌قه‌یان له‌ خاڵێـکی پـشـکنینی له‌شـکر کردووه‌ و به‌هۆیه‌وه‌ 6 سه‌رباز کوژراون.
به‌ر له‌و هێرشه‌ ئۆتۆمبیلێـکی بۆمبڕێکراو له‌ نزیک‌ به‌ڕێوه‌به‌رایه‌تی ئاسایشی ناوچه‌ی تۆڕی باشوری نیمچه‌ دورگه‌ی سینا ته‌قیـیه‌وه‌ و بووه‌ مایه‌ی کوژرانی 3 پـۆلیس و برینداربوونی ده‌یان پـۆلیسی دیکه‌.
له‌ ناوچه‌ی مه‌عادی باشوری قاهیره‌ی پایته‌ختیش 2 گولـله‌ ئارپـیجی گیراوه‌ته‌ شوێنی سه‌ره‌کی سه‌ته‌لایه‌ته‌کانی ده‌وڵه‌ت و له‌وێش 2 که‌س برینداربوون.
XS
SM
MD
LG