Accessibility links

سه‌رۆک ئۆباما به‌ کۆنگرس ده‌ڵێت خه‌ڵـکی ئه‌مه‌ریکا یاری ده‌سـتی سیاسیـیه‌کان نیـیه‌

  • VOA News

سه‌رۆک ئۆباما ڕۆژی پـێـنجشه‌ممه‌ گوتی ده‌بێت کۆنگرس کۆتایی به‌م داخسـتنه‌ی به‌شێـکی حکومه‌تی فیدراڵی بهێنێت که‌وا بووه‌ته‌ مایه‌ی ڕاگرتنی کاری سه‌دان هه‌زار کارمه‌ند و هه‌روه‌ها کارشی کردووه‌ته‌ سه‌ر هه‌زاران کۆمپانیا.
گوتیشی هیچ دانوسـتاندنێـک له‌سه‌ر ئه‌وه‌ ناکات، چونکه‌ خه‌ڵـکی ئه‌مه‌ریکا پارچه‌ی شتره‌نجی گه‌مه‌ی سیاسی نیـیه‌. پاشـان ڕووی ده‌می کرده‌ کۆماریـیه‌کان و گوتی ئێوه‌ ناگه‌ن به‌وه‌ی ده‌تانه‌وێت له‌ به‌رامبه‌ر ڕێـگه‌دان به‌ که‌وتنه‌وه‌ گه‌ڕی حکومه‌ت و ئابوری.
سه‌رۆک ئۆباما هه‌روه‌ها گوتی تاکه‌ هۆکارێـک بۆ به‌رده‌وامبوونی داخسـتنی به‌شـێـکی داموده‌زگاکانی حکومه‌ت ئه‌وه‌یه‌، سه‌رۆکی ئه‌نجومه‌نی نوێنه‌ران جان به‌ینه‌ری کۆماری نایه‌وێت توندڕه‌وه‌کانی ناو پارته‌که‌ی زویر بکات به‌وه‌ی داوایان لێبکات ده‌نگ بۆ ئه‌و بوجه‌یه‌ بده‌ن که‌ سه‌ره‌تای ئه‌م هه‌فته‌یه‌ له‌ لایه‌ن ئه‌نجومه‌نی سیناته‌وه‌ په‌سه‌ندکرا و ڕێگه‌ به‌ مانه‌وه‌ی یاسای بیمه‌ی ته‌ندروسـتی نوێ ده‌دات.
هه‌موو ئه‌ندامانی دیموکراتی ئه‌نجومه‌نی نوێنه‌ران له‌گه‌ڵ 17 ئه‌ندامی کۆماری ده‌ڵێن ئاماده‌ن ده‌نگ بۆ بوجه‌که‌ بده‌ن ئه‌گه‌ر بێت و سه‌رۆکی ئه‌نجومه‌ن بیخاته‌ ده‌نگدانه‌وه‌.
جێی ئاماژه‌یه‌ ئه‌نجومه‌نی نوێنه‌ران له‌ ئێسـتادا 200 ئه‌ندامی دیموکراته‌ و 232 ئه‌ندامی کۆماریـیه‌.
XS
SM
MD
LG