Accessibility links

له‌ خۆپـیشـاندانه‌ ناڕه‌زایـیه‌کانی سودان 6 که‌س ده‌کوژرێن

  • VOA News

خۆپـیشـاندانی ناڕه‌زایی له‌ سودان ئه‌مڕۆ چوارشه‌ممه‌ بۆ ڕۆژی سێـیه‌م به‌رداوم بوو له‌ به‌رامبه‌ر به‌رزبوونه‌وه‌ی نرخی سووته‌مه‌نی.
هێزه‌کانی ئاسایش ڕووبه‌ڕووی خۆپـیشـانده‌ران بوونه‌وه‌ و له‌ ئاکامدا 6 که‌س کوژران.
به‌پـێی هه‌واڵه‌کان خۆپـیشـاندانه‌کان له‌ ڕۆژی چوارشه‌ممه‌وه‌ گه‌وره‌ بوون و هه‌تا شه‌ویش درێژه‌ی کێشاوه‌. ده‌ڵێن ژیان له‌ خه‌رتومی پایته‌خت وه‌سـتاوه‌ و خۆپـیشـانده‌ران بینایه‌کی زانکۆ و چه‌ند وێزگه‌یه‌کی فرۆشـتنی سووته‌مه‌نیـیان سووتاندووه‌ و شه‌قامی سه‌ره‌کی فڕۆکه‌خانه‌ی نێوده‌وڵه‌تیـیان گرتووه‌.
هه‌روه‌ها ناڕه‌زایـیه‌کان شـاری ئوم دورمانیشی گرتووه‌ته‌وه‌ و له‌وێش هێزه‌کانی پـۆلیس به‌ توندی کاردانه‌وه‌یان هه‌بووه‌.
له‌ لایه‌کی دیکه‌ هه‌ر ئه‌مڕۆ هێڵه‌کانی ئنته‌رنێت له‌ سه‌رانسه‌ری سودان بڕان، ئه‌مه‌ش یه‌که‌م جاره‌ له‌ پاش ڕاپه‌ڕینه‌که‌ی سـاڵی 2011 ی ئه‌و وڵاته‌ ئنته‌رنێت له‌وێ بـبڕێت.
XS
SM
MD
LG