Accessibility links

ڕه‌هه‌ندی پێشهاته‌کان: هه‌ڕێمی کوردستان ڕۆژێک پاش به‌ڕێوه‌چونی هه‌ڵبژاردنه‌کانی په‌رله‌مان

  • Motabar Shirwani

به‌رنامه‌ی ئه‌م هه‌فته‌یه‌ی ڕه‌هه‌ندی پێشهاته‌کان تایبه‌ت بوو به‌ شیکردنه‌وه‌یه‌کی سه‌ره‌تایی له‌ ئه‌نجامه‌ سه‌ره‌تاییه‌ نافه‌رمییه‌کانو شێوازی به‌ڕێوه‌ چونی پرۆسه‌ی هه‌ڵبژاردنه‌کانی په‌رله‌مانی هه‌رێمی کوردستانی عێڕاق که‌ شه‌ممه‌ 21ی مانگ به‌ڕێوه‌ چوون و زیاتر له‌ 30 قه‌واره‌ی سیاسی له‌ سه‌ر 111 کورسی په‌له‌مان ده‌پێشبڕکێ دابون. دوو ملیۆن و هه‌شت سه‌د و سێ هه‌زار که‌س مافی ده‌نگدانێان هه‌بوو. به‌ پێی کاربه‌ده‌ستانی هه‌ڵبژاردنه‌کان ڕێژه‌ی به‌شداری ده‌نگده‌ر 73.9% بوو. واچاوه‌ڕێ ده‌کرێت تا کۆتایی هه‌فته‌ ئه‌نجامه‌کان ڕابگه‌یندرێن هه‌رچه‌نده‌ به‌ پێی ئه‌نجامه‌ نافه‌رمییه‌کان، پارتی دیموکراتی کوردستان له‌ پێشه‌وه‌یه‌، دواتر بزوتنه‌وه‌ی گۆڕان، و دواتریش یه‌کیه‌تی نیشتیمانی کوردستان و به‌دوایاندا یه‌کگرتووی ئیسلامی و کۆمه‌ڵی ئیسلامی-ن و پارته‌کانی تر.
زۆرێک له‌ چاودێران له‌و باوه‌ره‌دان ده‌کرێت ئه‌م هه‌ڵبژاردنه‌ سه‌نگی محه‌ک بن بۆ دیارکردنی پێگه‌ی پارته‌ سیاسییه‌کان و گۆڕانی نه‌خشه‌ی سیاسی هه‌رێمی کوردستان.

میوانه‌کان: عارف قوربانی نوسه‌ر و ڕۆژنامه‌وان و هۆگر چه‌تۆ به‌ڕێوه‌به‌ری تۆڕی شه‌مس بۆ چاودێری هه‌ڵبژاردنه‌کان بوون. مۆعته‌به‌ر شیروانی به‌رنامه‌که‌ی به‌ڕێوه‌ برد.

XS
SM
MD
LG