Accessibility links

پـشـکنه‌ران: به‌ڵگه‌ی حاشه‌ هه‌ڵنه‌گر هه‌ن ده‌یسه‌لمێنن چه‌کی کیمیاوی له‌ سوریا به‌کارهاتووه‌

  • VOA News

پـشـکنه‌رانی نه‌ته‌وه‌ یه‌کگرتووه‌کان ده‌ڵێن به‌ڵگه‌ی ڕوون و حاشه‌ هه‌ڵنه‌گر هه‌ن که‌ ده‌یسه‌لمێنن چه‌کی کیمیاوی به‌ شێوه‌یه‌کی به‌رفراوان له‌ هێرشه‌که‌ی مانگی ڕابردووی ناو سوریا به‌کارهاتبوو‌ که‌ به‌هۆیه‌وه‌ سه‌دان که‌س کوژران.
به‌پـێی ئاژانسه‌کانی ده‌نگ‌وباس، پـشـکنه‌ران گوتوویانه‌ ئه‌و نمونانه‌ی له‌ خاک و نه‌خۆشه‌کانی شوێنی هێرشه‌که‌ وه‌رگیراون نیشـانی ده‌ده‌ن موشه‌کی زه‌وی به‌ زه‌وی که‌ گازی ژه‌هراوی سارینیان تێدابووه،‌ گیراونه‌‌ته‌ ناوچه‌ی غۆته‌ی قه‌راغ شـاری دیمه‌شق له‌ 21 ی مانگی هه‌شـتدا.
پـشـکنه‌ران کاره‌که‌یان ئه‌وه‌ بوو یه‌کلای بکه‌نه‌وه‌ ئایا چه‌کی کیمیاوی له‌و شوێنه‌ به‌رکاهاتووه‌ یان نا، نه‌ک کێ به‌ هێرشه‌که‌ هه‌سـتاوه‌.
ئه‌مه‌ریکا ده‌ڵێت هێزه‌کانی حکومه‌تی سوریا له‌ پشـت ئه‌و هێرشه‌وه‌ بوون و بووه‌ته‌ مایه‌ی کوژرانی 1400 که‌س. حکومه‌تی سوریاش ده‌ڵێت چه‌کدارانی ئۆپـۆزسیۆن له‌وه‌ به‌رپـرسیارن نه‌ک هێزه‌کانی حکومه‌ت.
XS
SM
MD
LG