Accessibility links

ڕووسیا پـلانه‌که‌ی خۆی سه‌باره‌ت به‌ سوریا بۆ ئه‌مه‌ریکا ئاشـکرا ده‌کات

  • VOA News

ئاژانسه‌کانی ده‌نگ‌وباس له‌ ڕووسیا ده‌ڵێن وڵاته‌که‌یان پـلانه‌که‌ی خۆی بۆ کۆنترۆڵکردنی چه‌که‌ کیمیاویـیه‌کانی سوریای به‌ ئه‌مه‌ریکا داوه‌، ئه‌مه‌ش به‌ر له‌وه‌ی ڕۆژی پـێـنجشه‌ممه‌ وه‌زیری ده‌ره‌وه‌ی ئه‌مه‌ریکا جان کێری له‌گه‌ڵ هاوتا ڕووسیـیه‌که‌ی سێرگی لاڤرۆڤ له‌ جنێڤ کۆبـبێته‌وه‌.
هێشـتا ورده‌کاری پـلانه‌که‌ ئاشـکرا نیـیه‌، به‌ڵام جان کێری ده‌ڵێت گه‌یشتن به‌ هه‌رچ ڕێـکه‌وتنێـک له‌سه‌ر پـلانێـک بۆ چه‌که‌ کیمیاویـیه‌کانی سوریا کارێـکی قورس ده‌بێت.
کاربه‌ده‌سـتێـکی فه‌ڕه‌نسا ڕۆژی چوارشه‌ممه‌ گوتی دانوسـتاندنه‌کان له‌سه‌ر پـرۆژه‌ بڕیارێـکی نه‌ته‌وه‌ یه‌کگرتووه‌کان ده‌سـتیپـێـکردووه‌ به‌ مه‌به‌سـتی به‌ ئه‌نجام گه‌یاندنی پـلانه‌که‌ی ڕووسیا به‌ خێرایی. ڕووسیا چه‌ند بڕگه‌یه‌کی سه‌ره‌کی پـرۆژه‌ بڕیارێـکی ڕه‌تکردووه‌ته‌وه‌‌، له‌وانه‌ ڕێگه‌دان به‌ به‌کارهێنانی هێز له‌ دژی سوریا ئه‌گه‌ر بێت و پابه‌ندی بڕیاره‌که‌ نه‌بێت.
XS
SM
MD
LG