Accessibility links

خۆپـیشـاندانی ناڕه‌زایی له‌ دژی ئه‌مه‌ریکا له‌ ئوردن سـازده‌کرێت

  • VOA News

نزیکه‌ی 200 چالاکوانی ئوردنی ڕۆژی دووشه‌ممه‌ له‌ عه‌ممانی پایته‌خت ناڕه‌زایـیان له‌ به‌رامبه‌ر ئه‌مه‌ریکا ده‌ربڕی له‌سه‌ر نیازی بۆ هێرشی له‌شـکری له‌ دژی سوریا.
خۆپـیشـاندانه‌که‌ که‌ له‌ لایه‌ن کۆمه‌ڵه‌ مارکسی و چه‌پـڕه‌وه‌کانه‌وه‌ سـازکرابوو، به‌ گه‌وره‌ترین گردبوونه‌وه‌ی ئوردنیـیه‌کان له‌ دژی ئه‌مه‌ریکا داده‌نرێت له‌وه‌تای سه‌رۆک ئۆباما باسی له‌ کاردانه‌وه‌ی له‌شـکری له‌ دژی سوریا کردووه‌.
خۆپـیشـانده‌ران له‌ دروشمه‌کانیاندا دیانگوت سه‌رۆک ئۆباما وه‌ک سه‌رۆکی پـێشـوو جۆرج بوش هه‌ڵگرسێنه‌ری شه‌ڕه‌.
هاوکات ده‌یان پـۆلیس چاورده‌وری باڵیۆزخانه‌ی ئه‌مه‌ریکایان گرتبوو.
XS
SM
MD
LG