Accessibility links

ڕابه‌ری ئۆپـۆزسیۆنی ڕووسیا ده‌ڵێت فرتوفێڵ له‌ هه‌ڵبژاردنه‌که‌ی مۆسکۆ کراوه‌

  • VOA News

ڕابه‌ری ئۆپـۆزسیۆنی ڕووسیا ئه‌لێکسی ناڤالنی داوای له‌ لایه‌نگرانی کرد ناڕه‌زایی ده‌ربـبڕن له‌ به‌رامبه‌ر ئه‌نجامه‌کانی هه‌ڵبژاردنی شـاره‌داری مۆسـکۆ که‌ تیایدا سێرگی سۆبیانین سه‌ر به‌ حکومه‌ت سه‌رکه‌وتنی به‌ده‌سـتهێنا.
ئه‌لێکسی که‌ که‌سێـکی دژی گه‌نده‌ڵیـیه‌ سه‌رزه‌نشتی ئه‌نجامه‌کانی هه‌ڵبژاردنه‌که‌ی ڕۆژی یه‌کشه‌ممه‌ی کرد، ده‌ڵێت چه‌ندین پـێشـێلی گه‌وره‌ کراون له‌ جیاکردنه‌وه‌ی ده‌نگه‌کاندا.
ئه‌نجامه‌کان ڕۆژی دووشه‌ممه‌ ڕاگه‌یه‌ندران، نیشـانی ده‌ده‌ن سێرگی سۆبیانین 51% ی ده‌نگه‌کانی بردۆته‌وه‌ و ئه‌لێکسی ناڤالنی 27% ی ده‌نگه‌کانی به‌ده‌سـتهێناوه‌. چوار کاندیدی دیکه‌ ده‌نگێـکی ئه‌وتۆیان نه‌هێنابوو. ئه‌گه‌ر بهاتایه‌ سێرگی سۆبیانین که‌متر له‌ نیوه‌ی ده‌نگه‌کانی به‌ده‌سـتبهێنایه‌، ئه‌وا گه‌ڕی دووه‌م هه‌ڵبژاردن سـازده‌کرا.
ئه‌لێکسی ناڤالنی گوتی ڕوون و ئاشـکرایه‌ فرتوفێڵ له‌ جیاکردنه‌وه‌ی ده‌نگه‌کاندا کراوه‌ و سێرگی سۆبیانین به‌و ڕێگه‌یه‌ ئه‌و ژماره‌ ده‌نگه‌ی به‌ده‌سـتهێناوه‌. گوتیشی خۆی و تیمه‌که‌ی دان به‌و ئه‌نجامانه‌دا نانێن و داوای سه‌رله‌نوێ ژماردنه‌وه‌ی ده‌نگه‌کان ده‌که‌ن.
جێی ئاماژه‌یه‌ سێرگی سۆبیانین له‌ لایه‌ن کریملنه‌وه‌ پشـتگیری لێده‌کرێت و سه‌رۆکی پـێشـووی دیوانی سه‌رۆکایه‌تی ڤلادیمیر پـوتن بوو و سێ سـاڵ له‌ پـۆستی شاره‌داری مۆسکۆ بووه‌.
XS
SM
MD
LG