Accessibility links

ڕووسیا هانی سوریا ده‌دات چه‌که‌ کیمیاویـیه‌کانی بخاته‌ ژێر چاودێری نێوده‌وڵه‌تیـیه‌وه‌

  • VOA News

وه‌زیری ده‌ره‌وه‌ی ڕووسیا سێرگی لاڤرۆڤ ده‌ڵێت پـێشـنیاری بۆ سوریا کردووه‌ چه‌که‌ کیمیاویـیه‌کانی بخاته‌ ژێر چاودێری نێوده‌وڵه‌تیـیه‌وه‌، ئه‌مه‌ش وه‌ک هه‌وڵێـک بۆ ڕێـگه‌گرتن له‌ لێـدانی له‌شـکری له‌ دژی سوریا.
سێرگی لاڤرۆڤ له‌ کۆنگره‌یه‌کی ڕۆژنامه‌وانیدا گوتی پـێشـنیاره‌که‌ی گه‌یاندووه‌ته‌ وه‌لید ئه‌لموعه‌لیم وه‌زیری ده‌ره‌وه‌ی سوریا و چاوه‌ڕێی ده‌کات سوریا به‌ په‌له‌ وه‌ڵام بداته‌وه‌ و هیواداره‌ وه‌ڵامه‌که‌ ئه‌رێنی ببێت.
ئه‌م پـێشـنیاره‌ی ڕووسیا چه‌ند کاژمێرێـک پاش لێـدوانی جان کێری وه‌زیری ده‌ره‌وه‌ی ئه‌مه‌ریکا هات که‌ گوتبوی ئه‌گه‌ربێت و سوریا له‌ ماوه‌ی هه‌فته‌یه‌کدا هه‌موو چه‌که‌ کیمیاویـیه‌کانی ڕاده‌سـتی کۆمه‌ڵی نێوده‌وڵه‌تی بکات و زانیاری ته‌واویان له‌سه‌ر بدات، ئه‌وا ڕه‌نگه‌ له‌ لێـدانی له‌شـکری ڕزگاری بـبێت، به‌ڵام به‌ دوری زانی سه‌رۆکی سوریا به‌شـار ئه‌سه‌د ئه‌و کاره‌ بکات.
XS
SM
MD
LG