Accessibility links

سه‌رۆکی به‌ڕازیل سه‌ردانی شـاندێـکی بۆ ئه‌مه‌ریکا هه‌ڵوشـانده‌وه‌

  • VOA News

سه‌رۆکی به‌ڕازیل خانم دیلما ڕۆسێف سه‌ردانی شـاندێـکی بۆ ئه‌مه‌ریکا هه‌ڵوه‌شـانده‌وه‌ که‌ چاوه‌ڕوان‌ده‌کرا ئاماده‌کاری بکات بۆ سه‌ردانه‌ فه‌رمیـیه‌که‌ی بۆ واشنتن که‌ بڕیاره‌ له‌ 23 ی مانگی ده‌دا ئه‌نجامی بدات.
گوته‌بێژێـکی سه‌رۆکی به‌ڕازیل ئه‌مه‌ی ڕاگه‌یاند، به‌ڵام هیچی له‌ باره‌ی هۆکاری ئه‌م بڕیاره‌ ئاشکرا نه‌کرد.
بێن ڕۆدس جێـگری ڕاوێژکاری ئاسایشی نیشـتیمانی سه‌رۆک ئۆباما که‌ له‌ ئێسـتادا له‌ شـاری پـیته‌رسبێرگی ڕووسیایه‌، گوتی زانیاری نیـیه‌ ئایا پـێشـتر سه‌رۆک ئۆباما یان کۆشـکی سـپی له‌مه‌ ئاگادارکراونه‌ته‌وه‌ یان نا.
جێی ئاماژه‌یه‌ په‌یوه‌ندیـیه‌کانی نێوان ئه‌مه‌ریکا و به‌ڕازیل سـاردی تێـکه‌وتووه‌ به‌هۆی ئه‌و ڕاپـۆرتانه‌ی باس له‌وه‌ ده‌که‌ن ئێدوارد سنۆدن کارمه‌ندی پـێشـووی ئاژانسی ئاسایشی ئه‌مه‌ریکا ئاشکرای کردووه‌ ئه‌مه‌ریکا چاودێری هێڵه‌ ئنته‌رنێته‌کانی سه‌رۆکی به‌ڕازیل و سه‌رۆکی مه‌کسیکی کردووه‌.
XS
SM
MD
LG