Accessibility links

سه‌رۆکی نوێی ئێران له‌م مانگه‌ له‌ نه‌ته‌وه‌ یه‌کگرتووه‌کان وتارێـک پـێشـکه‌ش ده‌کات

  • VOA News

بڕیاره‌ حه‌سه‌ن ڕوحانی سه‌رۆکی نوێی ئێران له‌م مانگه‌دا له‌ کۆمه‌ڵه‌ی گشـتی نه‌ته‌وه‌ یه‌کگرتووه‌کان وتارێـک پـێشـکه‌ش بکات، ئه‌مه‌ش ده‌بێته‌ یه‌که‌م ده‌رکه‌وتنی له‌سه‌ر ئاستی جیهانی وه‌ک سه‌رۆکی وڵات.
نه‌ته‌وه‌ یه‌کگرتووه‌کان ڕۆژی 24 ی مانگی نۆی بۆ حه‌سه‌ن ڕوحانی ده‌سـتنیشـانکردووه‌ وتاره‌که‌ی له‌ کۆبوونه‌وه‌ی ساڵانه‌ی کۆمه‌ڵه‌ی گشـتی پـێشـکه‌ش بکات، چه‌ند کاژمێرێـک له‌ پاش وتاره‌که‌ی سه‌رۆک براک ئۆباما.
ڕوحانی له‌ مانگی شه‌شدا هه‌ڵبژێردرا و وه‌ها لێی ده‌ڕوانرێت که‌سێـکی زیاتر میانڕه‌و بێت به‌ به‌راورد به‌ سه‌رۆکی پـێشوو مه‌حمود ئه‌حمه‌دی‌نه‌ژاد، که‌ وتاره‌کانی له‌ کۆمه‌ڵه‌ی گشـتی به‌کارده‌هێنا بۆ گومان خستنه‌ سه‌ر ڕوودانی هۆلۆکۆست و هه‌روه‌ها لێـدوانی فه‌رمی له‌ باره‌ی هێرشه‌ تێرۆرسـتیـیه‌کانی 11 ی سێپـته‌مبه‌ری سـاڵی 2001 ، ئه‌وانه‌ی به‌ فڕۆکه‌ی ڕفێندراو ئه‌نجام‌دران.
ئێران له‌ ژێر سـزاکانی نه‌ته‌وه‌ یه‌کگرتووه‌کان‌دایه‌ له‌سه‌ر به‌رنامه‌ ناوکیـیه‌که‌ی که‌ گومان ده‌کرێت به‌ مه‌به‌سـتی دروسـتکردنی چه‌کی کیمیاوی کاری بۆ ده‌کات. ئێرانیش نکوڵی ده‌کات و ده‌ڵێت بۆ کاری ئاشـتیخوازانه‌یه‌.
کۆمیته‌ی ئه‌نجومه‌نی ئاسایش بۆ سزاکانی ئێران پاش نێوه‌ڕۆی پـێـنجشه‌ممه‌ کۆده‌بێته‌وه‌.
XS
SM
MD
LG