Accessibility links

دیپـلۆماتێـک: لێـکۆڵه‌ره‌وانی نه‌ته‌وه‌ یه‌کگرتووه‌کان بۆ چه‌کی کیمیایی سوریا په‌له‌ له‌ کاره‌که‌یان ده‌که‌ن

  • VOA News

دیپلۆماتێکی باڵا ڕاده‌گه‌یه‌نێت تیمی پشكنه‌رانی سه‌ر به‌ نه‌ته‌وه‌ یه‌کگرتووه‌کان که‌ به‌ چه‌ند ئاسه‌وارێـکی هێرشێـک که‌ گومان ده‌کرێت به‌ چه‌کی کیمیایی کرابێت ‌له‌ سوریا ده‌چوون، وا ئێسـتا په‌له‌ له‌ شـیکردنه‌وه‌کانیان ده‌که‌ن و هیوادارن له‌ ماوه‌ی 2 بۆ 3 هه‌فته‌ کاره‌که‌یان به‌ ئه‌نجام بگه‌یه‌نن.
دیپلۆماته‌که‌ که‌ به‌و مه‌رجه‌ی ناوی ئاشکرا نه‌کرێت قسه‌ی کرد، به‌ ئاژانسی ئه‌سۆشیه‌تد پرێسی گوت‌ په‌له‌کردنه‌که‌ وه‌ها ده‌کات نزیکه‌ی هه‌فته‌یه‌ک له‌ پـرۆسه‌ی شیکردنه‌وه‌که‌ که‌م بکاته‌وه‌.
ئه‌و تیمه‌ی نه‌ته‌وه‌ یه‌کگرتووه‌کان له‌ هه‌فته‌ی ڕابردوو له‌ سوریا بوون بۆ لێکۆڵینه‌وه‌ له‌سه‌ر ئه‌وه‌ی ئایه‌ چه‌کی کیمیایی له‌ 21 ی مانگی هه‌شت له‌ سوریا به‌کار هاتبوو‌ یان نا. ئه‌گه‌ر به‌کاریش هاتبوو‌ چ جۆرێک بووه‌.
به‌ڕێوه‌به‌رایه‌تی ئۆباما به‌رده‌وامه‌ له‌ فشارخستنه‌ سه‌ر کۆنگرێس بۆ ئه‌وه‌ی کردارێکی له‌شکریی ئه‌مه‌ریکا دژ به‌ ڕژێمی به‌شار ئه‌سه‌د په‌سه‌ند بکات.
XS
SM
MD
LG