Accessibility links

له‌ هێرشێـکدا بۆ سه‌ر بنکه‌یه‌کی له‌شـکری ئه‌مه‌ریکا له‌ ئه‌فغانسـتان 3 چه‌کداری تاڵیبان ده‌کوژرێن


ده‌سه‌ڵاتداران له‌ ڕۆژهه‌ڵاتی ئه‌فغانسـتان ده‌ڵێن یاخیبوانی تاڵیبان ڕۆژی دووشه‌ممه‌ هێرشێـکی شـکستخواردویان کردووه‌ته‌ سه‌ر بنکه‌یه‌کی له‌شـکری ئه‌مه‌ریکا له‌ نزیک سـنووری پاکسـتان.
کاربه‌ده‌سـتان گوتیان هێرشه‌که‌ کراوه‌ته‌ سه‌ر بنکه‌ی له‌شـکری ئه‌مه‌ریکا له‌ ناوچه‌ی تورخامی پارێزگای نه‌نگه‌رهار و بۆ ماوه‌ی زیاتر له‌ سێ کاژمێر شه‌ڕه‌ ته‌قه‌ به‌رده‌وام بووه‌ و له‌ ئاکامدا 3 چه‌کداری تاڵیبان کوژراون و ژماره‌یه‌ک ئۆتۆمبیل و ماشێن له‌ شوێنێـکی ڕاگرتنی ئۆتۆمبیل له‌ نزیک بنکه‌که‌ سووتاون.
فڕۆکه‌ی هه‌لیکۆپـته‌ری ناتۆ گه‌یشـتوونه‌ته‌ ئاسـمانی ناوچه‌که‌ و له‌ شه‌ڕه‌که‌دا به‌شـداریـیان کردبوو.
ناتۆ ڕایگه‌یاند هیچ که‌سێـکی به‌هۆی ئه‌و هێرشه‌وه‌ زیانی پـێـنه‌گه‌یشـتووه‌.
XS
SM
MD
LG