Accessibility links

سه‌رکرده‌ی هێزه‌کانی سه‌حوه‌ له‌ عێراق له‌ هه‌وڵێـکی کوشتن ڕزگاری ده‌بێت

  • VOA News

ده‌سه‌ڵاتدارانی عێراق ده‌ڵێن وسام ئه‌لحه‌ردان سه‌رۆکی ئه‌نجومه‌نی هێزه‌کانی سه‌حوه‌ ڕۆژی دووشه‌ممه‌ له‌ هه‌وڵێـکی کوشتن ڕزگاری بوو، به‌ڵام 5 له‌ پاسه‌وانه‌کانی کوژران و 4 پاسه‌وانیشی برینداربوون.
سه‌عه‌د مه‌عه‌ن گوته‌بێژی وه‌زاره‌تی ناوخۆی عێراق له‌ به‌یانـنامه‌یه‌کدا گوتی ڕووداوه‌که‌ پاش نێوه‌ڕۆ له‌ نزیک ماڵی وسام حه‌ردان له‌ گه‌ڕه‌کی ئه‌لحارثیـیه‌ی ڕۆژئاوای به‌غدا بووه‌، کاتێـک دوو خۆکوژ خۆیان به‌ کاروانی ئۆتۆمبیله‌کانیدا ته‌قاندووه‌ته‌وه‌.
حه‌ردان له‌ مانگی دووی ئه‌مسـاڵه‌وه‌ له‌ کۆنگره‌یه‌کی هێزه‌کانی سه‌حوه‌ له‌ به‌غدا به‌ سه‌رۆک هه‌ڵبژێردرا تاوه‌کو شوێنی ئه‌حمه‌د ئه‌بو ڕیشه‌ بگرێته‌وه‌.
XS
SM
MD
LG