Accessibility links

خۆپیشاندان له‌ عێڕاق دژ به‌ خانه‌نشینی په‌رله‌مانتاران ئه‌نجام ده‌درێت

  • VOA News

گه‌واهده‌ران ده‌ڵێن سه‌دان خۆپیشانده‌ر ڕژاونه‌ته‌ شه‌قامه‌کانی شاره‌کانی عێراق بۆ ناڕه‌زایی ده‌ربڕین به‌رامبه‌ر خانه‌نشینی په‌رله‌مانتاران سه‌ره‌ڕای باری توندی ئاسایشی.
ڕێکخه‌رانی خۆپیشاندانه‌کان ڕاده‌گه‌ێنن خۆپشانده‌رانی ڕۆژی شه‌ممه‌ داوای ئه‌وه‌ ده‌که‌ن ئه‌و داهاته‌ زۆره‌ نه‌درێت به‌ ئه‌ندامانی په‌رله‌مان، هه‌رچه‌نده‌ له‌ میانه‌ی خۆپیشاندانه‌که‌دا خۆپیشانده‌ران ده‌نگه‌ی ناڕه‌زاییشیان دژ به‌ خراپی خزمه‌تگوزاری گشتیش به‌رز کرده‌وه‌.
ده‌سه‌ڵاتدارانی عێراقی مه‌وڵه‌تی خۆپیشاندانیان نه‌دابوو، باری ئاسایشیان توند کردبوو ، پرده‌کانیان داخرابوون و ژماره‌یه‌کی زۆری سه‌رباز و پۆلیس له‌ مه‌یدانه‌ سه‌ره‌کییه‌کاندا بڵاو کرابوونه‌وه‌.
ده‌سه‌لاتدارانی عێراق له‌ سه‌ره‌تای ساڵی 2011یش دا به‌ توندی خۆپێشاندانی دژه‌ حکومه‌تیان سه‌رکوت کرد هاوکات خۆپیشاندانه‌کانی ئه‌م دوواییانه‌ش دژ به‌ حکومه‌تی به‌ ڕێبه‌رایه‌تی شیعه‌ له‌لایه‌ن سوننه‌کانه‌وه‌ سه‌رکوت کرا.
XS
SM
MD
LG