Accessibility links

سه‌رۆک ئۆباما تاووتوێی لێـدانێـکی سـنوورداری سوریا ده‌کات


سه‌رۆکی وڵاته‌ یه‌کگرتووه‌کانی ئه‌مه‌ریکا براک ئۆباما ده‌ڵێت هێشتا بڕیاری کۆتایی نه‌داوه‌ سه‌باره‌ت به‌ چۆنێتی کاردانه‌وه‌ له‌ به‌رامبه‌ر به‌کارهێنانی چه‌کی کیمیایی له‌ لایه‌ن حکومه‌تی سوریاوه‌. ده‌شڵێت تاووتوێی مه‌سه‌له‌ی لێـدانێـکی سـنوورداری ڕژێمه‌که‌ی به‌شـار ئه‌سه‌د ده‌کات.
ڕۆژی هه‌ینی پاش ماوه‌یه‌کی کورت له‌ وتاره‌که‌ی جان کێری وه‌زیری ده‌ره‌وه‌ی ئه‌مه‌ریکا، سه‌رۆک ئۆباما ئه‌مه‌ی ڕاگه‌یاند و گوتی به‌کارهێنانی چه‌کی کیمیایی له‌ سوریا هه‌ڕه‌شه‌ بۆ سه‌ر هاوپه‌یمانانی ئه‌مه‌ریکا له‌ ناوچه‌که‌دا دروسـتده‌کات، له‌وانه‌ ئیسرائیل و ئوردن.
ئۆباما جه‌ختی له‌وه‌ش کرد، ئه‌مه‌ریکا خوازیار نیـیه‌ خۆی به‌ شه‌ڕێـکی درێژده‌م له‌ سوریا وابه‌سته‌ بکات یان هێزی پـیاده‌ بۆ ئه‌و وڵاته‌ ڕه‌وانه‌ بکات.
ئاماژه‌ی به‌وه‌ش کرد که‌وا ئه‌و زانیاریه‌ نهێنیــیانه‌ ده‌خه‌نه‌ به‌رده‌می ئه‌ندامانی کۆنگرس و هاوپه‌یمانانی ئه‌مه‌ریکا، هه‌روه‌ها خه‌ڵـکی ئه‌مه‌ریکاش له‌ پـێشـهاته‌کان ئاگادارده‌که‌نه‌وه‌.
XS
SM
MD
LG