Accessibility links

سه‌رۆک ئۆباما له‌ 50 هه‌مین سـاڵیادی ڕێپـێوانه‌ مه‌زنه‌که‌ی واشنتن به‌شـداری ده‌کات


یه‌که‌م سه‌رۆکی ئه‌فریکایی ئه‌مه‌ریکا ڕۆژی چوارشه‌ممه‌ به‌شـداری کرد له‌و ڕێوڕه‌سمه‌ی له‌ واشنتنی پایته‌خت سـازکرا بۆ به‌رز ڕاگرتنی 50 هه‌مین سـاڵیادی ڕێـپـێوانه‌ مه‌زنه‌که‌ی سـاڵی 1963 ی واشنتن که‌ تیایدا زیاتر له‌ 250 هه‌زار که‌س به‌شـداریـیان کردبوو بۆ داوای مافی یه‌کسـانی له‌ وڵاته‌که‌دا.
سه‌رۆک ئۆباما به‌و بۆنه‌یه‌ وتارێـکی پـێشـکه‌ش کرد له‌ هه‌مان ئه‌و شوێنه‌ی قه‌شه‌ و چالاکی مافه‌کانی مرۆڤ مارتن لوثه‌ر کینگ 50 سـاڵ له‌مه‌وبه‌ر لێوه‌ی وتاره‌ به‌ ناوبانگه‌که‌ی " من خه‌ونێکم هه‌یه‌" پـێشـکه‌ش کرد.
سه‌رۆک ئۆباما گوتی به‌هۆی ئه‌و ڕێـپێوانه‌وه‌ ئه‌نجومه‌نی شـاره‌کان و ده‌سه‌ڵاته‌ ته‌شریعیـیه‌کانی ویلایه‌ته‌کان و کۆنگرس و کۆشـکی سپـی گۆڕان. گوتیشی هه‌ر به‌هۆی ئه‌و ڕێپـێوانه‌وه‌ ئازادی و یه‌کسـانی له‌ ئه‌مه‌ریکا زیاتر بوو، نه‌ک هه‌ر بۆ ئه‌مه‌ریکایـیه‌کانی به‌ ڕه‌چه‌ڵه‌ک ئه‌فریکین، به‌ڵـکو بۆ ژنان و ئه‌مه‌ریکایـیه‌ خاوه‌ن پـێداویستیـیه‌ تایبه‌ته‌کان و لاتینیـیه‌کان و ئاسیایـیه‌کان و ئه‌مه‌ریکایـیه‌ ڕه‌سه‌نه‌کان(هیندیـیه‌ سووره‌کان) و موسڵمانه‌کان و کاثۆلیکه‌کان و جووه‌کان و هاوچنس بازان.
به‌ڵام گوتیشی هێشـتا ئه‌رکه‌که‌مان ته‌واو نه‌بووه‌ و ده‌بێت وریابین بۆ پاراسـتنی ئه‌و ده‌سـتکه‌وتانه‌.
پاشـان ئاماژه‌ی بۆ که‌می موچه‌ی کرێکارانی ئه‌مه‌ریکایی کرد له‌و ده‌مه‌ی قازانجی کۆمپانیاکان له‌ زیادبووندایه‌ و گوتی یه‌کسـانی ته‌نها به‌ ئازادی نایه‌ته‌ دی.
XS
SM
MD
LG