Accessibility links

کۆشـکی سـپی ده‌ڵێت کاردانه‌وه‌ به‌رامبه‌ر به‌کارهێنانی چه‌کی کیمیاوی له‌ سوریا ده‌بێت


سه‌رۆکی وڵاته‌ یه‌کگرتووه‌کانی ئه‌مه‌ریکا براک ئۆباما بڕیاری دا کاردانه‌وه‌ هه‌بێت له‌ به‌رامبه‌ر به‌کارهێنانی چه‌کی کیمیاوی له‌ لایه‌ن حکومه‌تی سوریاوه‌، وه‌ کۆشـکی سـپی ده‌ڵێت سه‌رۆک له‌ ئێسـتادا له‌گه‌ڵ تیمی ئاسایشی نیشـتیمانی خۆی کارده‌کات بۆ بڕیاردان له‌سه‌ر چۆنێتی کاردانه‌وه‌که‌.
جه‌ی کارنی گوته‌بێژی کۆشـکی سـپی ده‌ڵێت هیچ گومانی تیادا نیـیه‌ له‌ میانه‌ی هێرشه‌که‌ی 21 ی مانگی هه‌شت بۆ سه‌ر ناوچه‌یه‌کی دیمه‌شق گازی ژه‌هراوی به‌کارهاتووه‌.
کارنی گوتی سه‌رۆک ئۆباما پـێیوایه‌ پـێشـێلیـیه‌کی مه‌ترسیدارکراوه‌ که‌ شایه‌نی وه‌ڵامدانه‌وه‌یه‌. گوتیشی له‌ ئێسـتادا بژاره‌کان هه‌ڵده‌سه‌نگێنێت بۆ چۆنێتی کاردانه‌وه‌ی گونجاو له‌ لایه‌ن ئه‌مه‌ریکاوه‌ به‌ ڕاوێژکردن له‌گه‌ڵ هاوپه‌یمانان و ڕێبه‌رانی کۆنگرسی ئه‌مه‌ریکا.

شوێنی هێزه‌کانی ئه‌مه‌ریکا له‌ ڕۆژهه‌ڵاتی ناوه‌ڕاست و ئه‌وروپا
XS
SM
MD
LG