Accessibility links

سێره‌گر ته‌قه‌ له‌ تیمی لێـکۆڵه‌ره‌وانی نه‌ته‌وه‌ یه‌کگرتووه‌کان له‌ سوریا ده‌کرێت


نه‌ته‌وه‌ یه‌کگرتووه‌کان ده‌ڵێت له‌ دیمه‌شقی پایته‌ختی سوریا سێره‌گری نه‌ناسراو ته‌قه‌یان له‌ یه‌کێـک له‌و ئۆتۆمبیلانه‌ کردووه‌ که‌ لێـکۆڵه‌ره‌وانی چه‌کی کیمیاوی نه‌ته‌وه‌ یه‌کگرتووه‌کانی تیادابووه‌.
تیمه‌که‌ی نه‌ته‌وه‌ یه‌کگرتووه‌کان هه‌وڵ ده‌دات لێـکۆڵینه‌وه‌ له‌ باره‌ی گومانی به‌کارهێنانی چه‌کی کیمیاوی بکات که‌ وه‌ک ده‌ڵێن هه‌فته‌ی ڕابردوو له‌ هێرشێـکدا بۆ سه‌ر ناوچه‌ی غوته‌ له‌ ڕۆژهه‌ڵاتی دیمه‌شق به‌کارهێنراوه‌.
چه‌کدارانی ئۆپـۆزسیۆن و چالاکوانان ده‌ڵێن هێزه‌کانی حکومه‌ت چه‌کی کیمیاویـیان به‌کارهێناوه‌ و به‌هۆیه‌وه‌ سه‌دان که‌س گیانیان له‌ده‌سـتداوه‌. حکومه‌تیش لای خۆیه‌وه‌ ڕه‌تی‌کردۆته‌وه‌ چه‌کی کیمیاوی به‌کارهێنابێت و ده‌ڵێت ئۆپـۆزسیۆن به‌کاریهێناوه‌.
گوته‌بێژێـکی بان کی مون سـکرتێری گشـتی نه‌ته‌وه‌ یه‌کگرتووه‌کان گوتی ئۆتۆمبیله‌که‌ چه‌ند جارێـک ته‌قه‌ی لێـکراوه‌ و ئه‌وه‌ش وایکردووه‌ که‌ڵـکی کارکردنی نه‌مێنێت. بۆیه‌ ناچار تیمه‌که‌ به‌ره‌و خاڵێـکی پشـکنینی حکومه‌ت گه‌ڕاونه‌ته‌وه‌، به‌ڵام به‌ نیازن به‌ ئۆتۆمبیلێـکی دیکه‌ درێژه‌ به‌ ئه‌رکه‌که‌یان بده‌ن.
به‌ڕێز بان کی مون پـێشـتر ڕۆژی دووشه‌ممه‌ گوتی سه‌رکه‌وتنی ئه‌رکه‌که‌ ڕه‌نگه‌ له‌ داهاتوودا ڕێگه‌بگرێت له‌ به‌کارهێنانی چه‌کی کیمیاوی له‌ ناوچه‌ی دیکه‌ی سوریا.
وڵاته‌ یه‌کگرتووه‌کانی ئه‌مه‌ریکا ڕه‌خنه‌ی توندی له‌ حکومه‌تی سوریا کرد که‌وا بۆ پاش 5 ڕۆژ له‌ هێرشه‌که‌ ڕێگه‌ی به‌ پشـکنه‌ران دا سه‌ردانی شوێنه‌که‌ بکه‌ن.
XS
SM
MD
LG