Accessibility links

کاربه‌ده‌ستی باڵای نه‌ته‌وه‌یه‌کگرتووه‌کان له‌ سوریایه‌ هه‌وڵ ده‌دات حکومه‌ت ڕێگه‌ی لێکوڵینه‌وه‌ له‌ سه‌ر به‌کارهێنانی نوێ چه‌کی کیمیاوی بدات

  • VOA News

نوێنه‌ری باڵای نه‌ته‌وه‌یه‌کگرتووه‌کان بۆ کاروباری چه‌ک داماڵین ئه‌مڕۆ یه‌کشه‌ممه‌ گه‌یشته‌ پایته‌ختی سوریا بۆ ئه‌وه‌ی گوشار بخاته‌ سه‌ر ڕژێمی سوریا تاڕێگه‌ به‌ شاره‌زایانی نه‌ته‌وه‌یه‌کگرتووه‌کان بدات لێکۆڵینه‌وه‌ بکه‌ن له‌سه‌ر مه‌سه‌له‌ی به‌کارهێنانی چه‌کی کیمیاوی له‌م هه‌فته‌یه‌ که‌ به‌ پێی ڕاپۆرتان زیاتر له‌ 130 که‌سی کوشتووه‌.
ئه‌نگلا کانا که‌ له‌ لایه‌ن سکرتێری گشتی نه‌ته‌وه‌یه‌کگرتووه‌کان ڕاسپێردراوه‌ هه‌وڵ بۆ لێکوڵینه‌وه‌یه‌کی ده‌موده‌ست ده‌دات له‌سه‌ر وه‌کو ده‌گوترێت هێرشه‌که‌ی چوارشه‌ممه‌ له‌ ده‌ره‌وه‌ی پایته‌ختی سوریا. ئه‌و له‌ پاش گه‌یشتنی بۆ دیمه‌شق بۆ په‌یامنێران نه‌دوا.
ئه‌مه‌ریکا، بریتانیا، فرانسه‌ و روسیا داوایان له‌ ڕژێمی ئه‌سه‌د و سه‌رهه‌ڵداوانی شه‌ڕ بۆ ڕووخاندنی حکومه‌ته‌که‌ی ده‌که‌ن کردووه‌ هاوکاری له‌ گه‌ڵ نه‌ته‌وه‌یه‌کگرتووه‌کان بکه‌ن و ڕێگه‌ به‌ شاره‌زایانی نه‌ته‌وه‌یه‌کگرتووه‌کان که‌ هه‌ر ئێستا له‌سوریان بده‌ن لێکۆڵینه‌وه له‌سه‌ر ئه‌وه‌ی ده‌گوترێت تازه‌ترین به‌کارهێنانی که‌رسته‌ی کیمیاوی ئه‌نجام بده‌ن.

چالاکوانانی دژه‌ حکومه‌ت، ڕژێمی سوریاتاوانبار ده‌که‌ن که‌ چوارشه‌ممه‌ ده‌ستی له‌ هێرشی گازی ژه‌هراوی له‌ ده‌وروبه‌ری ڕۆژهه‌ڵاتی دیمه‌شق دابو. ئه‌وان ژماره‌ی کوژراوان له‌ 136 که‌س بۆ 1300 که‌س له‌قه‌ڵه‌م ده‌ده‌ن.

ڕژێمی ئه‌سه‌د حاشا ده‌کات ده‌ستی له‌ هێرشی کیمیاوی دابێت.
شاره‌زایانی نه‌ته‌وه‌یه‌کگرتووه‌کان که‌ ئیستا له‌ سوریان له‌ 3 وه‌ک ده‌گوترێت هێرشی تری سه‌ره‌تای ئه‌مساڵ ده‌کۆڵنه‌وه‌.
XS
SM
MD
LG