Accessibility links

له‌ ئاکامی چه‌ند هێرشێـکی جودا له‌ عێراق به‌ لانی که‌م 6 که‌س ده‌کوژرێن

  • VOA News

کاربه‌ده‌سـتێـکی پـۆلیس گوتویه‌تی به‌ره‌به‌یانی ڕۆژی هه‌ینی کۆمه‌ڵێـک چه‌کدار له‌ شــارۆچکه‌ی دوجێلی پارێزگای سه‌ڵاحه‌دین هه‌ڵیان کوتاوه‌ته‌ سه‌ر ماڵی بازرگانێـکی شیعه‌ و کوشتوویانه‌ له‌گه‌ڵ هاوسه‌ره‌که‌ی و دایکی‌. هێشـتا هۆکاری کوشـتنه‌که‌ نه‌زانراوه‌.
دوجێل شـارۆچکه‌یه‌کی زۆرینه‌ شیعه‌یه‌، به‌ڵام ناوچه‌کانی چوارده‌وری زۆرینه‌ سووننه‌ن.
له‌ به‌غدای پایته‌ختیش پاش نوێژی هه‌ینی، بۆمب لای دوو مزگه‌وتی سووننه‌ ته‌قینه‌وه‌ و بوونه‌ مایه‌ی کوژرانی 3 که‌س و برینداربوونی 18 که‌س.
یه‌ک له‌ ته‌قینه‌وه‌کان له‌ ده‌ره‌وه‌ی مزگه‌وتی خالید بن وه‌لید له‌ ناوچه‌ی دۆره‌ی باشوری به‌غدا بوو و ئه‌وی دیکه‌یان له‌ نزیک مزگه‌وتی محه‌مه‌د ڕه‌سوڵوڵڵا له‌ گه‌ڕه‌کی جیهادی ڕۆژئاوای شـاره‌که‌ ڕوویدا.
XS
SM
MD
LG