Accessibility links

تورکیا داوا له‌ میسر ده‌کات ڕۆژنامه‌وانێـکی ئازادبکات

  • VOA News

تورکیا داوای له‌ حکومه‌تی میسر کرد ڕۆژنامه‌وانێـکی تورک ئازادبکات که‌ له‌ په‌لاماری هێزه‌کانی پـۆلیس بۆ سه‌ر مزگه‌وتێـک له‌ قاهیره‌ له‌گه‌ڵ سه‌دان لایه‌نگری محه‌مه‌د مورسی سه‌رۆکی له‌کارلابراو ده‌ستگیرکرا.
کاربه‌ده‌سـتانی تورکیا ڕۆژی دووشه‌ممه‌ گوتیان هیوادارن مه‌تین تۆران په‌یامنێری ڕادیۆ و ته‌له‌فیزیۆنی TRT ده‌وڵه‌تی تورکیا له‌ زووترین کاتدا ئازادبکرێت.
سه‌روه‌ت سایما گوته‌بێژی TRT ده‌ڵێت له‌و ده‌مه‌ی تۆران ڕۆژی شه‌ممه‌ سه‌رقاڵی ڕوماڵکردنی ناڕه‌زایـیه‌کان بوو له‌گه‌ڵ خۆپـیشـانده‌راندا ده‌سـتگیرکرا‌، سه‌ره‌ڕای ئه‌وه‌ی‌ ناسـنامه‌که‌ی خۆی نیشـاندابوو‌ که‌ ڕۆژنامه‌وانه‌.
ئه‌م ڕووداوه‌ له‌ کاتێـکدایه‌ که‌ گرژیـیه‌کانی نێوان ئه‌و دوو وڵاته‌ له‌ زیابووندایه‌ پاش ئه‌وه‌ی حکومه‌تی ڕه‌گ و ڕیشه‌ ئیسلامی تورکیا ناڕه‌زایی توندی له‌ به‌رامبه‌ر لابردنی محه‌مه‌د مورسی ئیخوانه‌کان ده‌ربڕی.
XS
SM
MD
LG