Accessibility links

چه‌کداران له‌ باکوری سینا 25 پـۆلیسی میسری ده‌کوژن

  • VOA News

چه‌کدارانی توندڕه‌وی ئیسلامی له‌ باکوری نیمچه‌ دورگه‌ی سینای میسر ڕۆژی دووشه‌ممه‌ بۆسه‌یه‌کیان بۆ دوو پاسی بچوک ناوه‌ته‌وه‌ و تیایدا 25 پـۆلیسیان گولـله‌باران کردووه‌ که‌ له‌ کاتی ئه‌رکی فه‌رمیدا نه‌بووبوون.
ئه‌م کوشـتنکاریـیه‌ که‌ له‌ نزیک شـارۆچکه‌ی ڕه‌فه‌حی سه‌ر سـنوور بووه‌، ڕۆژێـک پاش ئه‌وه‌ ڕوویدا که‌ 36 ده‌سـتگیرکراوی سه‌ر به‌ ئیخوانه‌کان به‌ گازی فرمێسـک ڕێژی هێزه‌کانی ئاسایش خنکان، له‌و ده‌مه‌ی ده‌گوزرانه‌وه‌ بۆ به‌ندیخانه‌یه‌ک له‌ باکوری قاهیره‌ و کۆمه‌ڵێـک چه‌کدار هه‌وڵی ئازادکردنیان دابوون.
ئاژانسی ده‌نگ‌وباسی ئه‌سۆشیه‌تد پـرێس ده‌ڵێت له‌وه‌تای ڕۆژی چوارشه‌ممه‌ی ڕابردوو هێزه‌کانی ئاسایش په‌لاماری لایه‌نگرانی محه‌مه‌د مورسی سه‌رۆکی له‌ کار لابراویان دا، نزیکه‌ هه‌زار که‌س کوژراون.
XS
SM
MD
LG