Accessibility links

چالاکوانان: چه‌کدارانی ئه‌لقاعیده‌ له‌ سوریا 2 نه‌وجه‌وانی شیعه‌ ده‌کوژن

  • VOA News

کۆمه‌ڵه‌ی چاودێری مافه‌کانی مرۆڤی سوریا بنکه‌ له‌ به‌ریتانیا ده‌ڵێت چه‌کدارانی ده‌وڵه‌تی ئیسلامی له‌ شـام و عێراق 2 نه‌وجه‌وانی شیعه‌یان گولـله‌باران کردووه‌ که‌ له‌ هه‌ردوو شـارۆچکه‌ی نوبـبول و زه‌هرای زۆرینه‌ شیعه‌ی پارێزگای حه‌له‌ب ده‌سـتگیریان کردبوون.
هه‌روه‌ها ڤیدیۆیه‌ک له‌سه‌ر ئنته‌رنێت بڵاوکراوه‌ته‌وه‌، تیایدا دوو نه‌وجه‌وان به‌ چاو به‌سـتراوی نیشـان ده‌درێن و که‌سێـکیش له‌ پشـتیانه‌وه‌ نووسراوێـک ده‌خوێنێته‌وه‌، ده‌ڵێت ده‌وڵه‌تی ئیسلامی له‌ عێراق و شام هه‌سـتاوه‌ به‌ ڕفاندنی ئه‌م دوو که‌سه‌ی سه‌ر به‌ ڕژێم‌ له‌ نوببول و زه‌هرا تاوه‌کو وه‌ک دیل ئاڵۆگۆڕیان پـێـبکات، به‌ڵام ڕژێم نه‌یکردووه‌، بۆیه‌ ده‌بێت بیانکوژن. پاشان هه‌ردوو نه‌وجه‌وانه‌که‌ گولـله‌باران ده‌کرێن.
ئاژانسی ده‌نگ‌وباسی ئه‌سۆشه‌یه‌تد پـرێس ده‌ڵێت ڤیدیۆکه‌ وه‌ها پـێده‌چێت ڕاست بێت.
XS
SM
MD
LG