Accessibility links

په‌رله‌مانتارانی نه‌یاری حه‌سه‌ن ڕوحانی ڕه‌خنه‌ له‌ پـێـکهاته‌ی حکومه‌ته‌ پـێشنیارکراوه‌که‌ی ده‌گرن

  • VOA News

په‌رله‌مانتارانی ئێرانی توندڕه‌و ڕۆژی دووشه‌ممه‌ ڕه‌خنه‌یان له‌ پـێـکهاته‌ی ئه‌و حکومه‌ته‌ گرت که‌ له‌ لایه‌ن سه‌رۆکی نوێی وڵات حه‌سه‌ن ڕوحانیـیه‌وه‌ پـێشـنیارکراوه‌، ده‌ڵێن وه‌زیرانی تێدایه‌ دۆستی ڕۆژئاوان یان پشـتگیریان له‌ گێره‌شێوێنی کردووه‌.
ڕوحانی وه‌ڵامی داونه‌ته‌وه‌ و گوتویه‌تی ده‌سـتنیشـانکردنی وه‌زیره‌کان له‌سه‌ر بنه‌مای لێهاتویی و توانایی‌یانه‌. گوتیشی وڵاته‌که‌ به‌ده‌ست توندڕه‌ویـیه‌وه‌ ده‌ناڵێنێت.
چاوه‌ڕوان‌ده‌کرێت مشتومڕی سه‌ر حکومه‌ته‌ پـێشنیارکراوه‌که‌ی ڕوحانی سێ ڕۆژ درێژه‌ بکێشێت و چوارشه‌ممه‌ کۆتایی پـێبێت و پاشـان په‌رله‌مانتاران به‌ جیا ده‌نگ له‌سه‌ر ئه‌و 18 وه‌زیره‌ی حکومه‌ته‌که‌ی ڕوحانی بده‌ن.
په‌رله‌مانتارانی نه‌یاری ڕوحانی ده‌یانه‌وێت مه‌سه‌له‌ی ده‌نگدان له‌سه‌ر وه‌زیره‌کان بکه‌نه‌ ده‌سـتپـێـکی تیروتوانجیان له‌ دژی سه‌رۆکی نوێ که‌ له‌ هه‌ڵبژاردنه‌کانی مانگی شه‌شدا سه‌رکه‌وتنی به‌ پـشـتیوانی ئه‌و که‌سانه‌ به‌ده‌ستهێنا به‌ میانڕه‌و و ڕیفۆرمخواز ناسراون.
XS
SM
MD
LG