Accessibility links

ده‌سه‌ڵاتدارانی میسر بڕیاری بڵاوه‌پـێـکردنی خۆپـیشـانده‌رانی لایه‌نگری مورسی ڕاده‌گرن

  • VOA News

کاربه‌ده‌سـتێـکی ئاسایشی میسر ده‌ڵێت ده‌سه‌ڵاتداران جێبه‌جێـکردنی بڕیاری بڵاوه‌پـێـکردنی خۆپـیشـانده‌رانی لایه‌نگری محه‌مه‌د مورسی سه‌رۆکی له‌ کار لابراویان دواخسـت‌، تاوه‌کو ڕێگه‌ له‌ خوێن ڕشتن بگیرێت.
کاربه‌ده‌سته‌که‌ ده‌شڵێت دواخستنه‌که‌ پاش ئه‌وه‌ هات که‌ پـلانی کۆتایی هێنان به‌ خۆپـیشـاندان و مانگرتنه‌کان له‌ هه‌ردوو ناوچه‌ی ڕابعه‌ ئه‌لعه‌ده‌ویـیه‌ و ئه‌لنه‌هزه‌ی قاهیره‌ی پایته‌خت به‌ ده‌زگاکانی ڕاگه‌یاند گه‌یشت.
ئه‌م کاربه‌ده‌سـته‌ که‌ بۆ ئاژانسی ده‌نگ‌وباسی ئه‌سۆشیه‌تد پـرێس لێـدوانی دا، ناسنامه‌ی خۆی ئاشـکرا نه‌کرد، چونکه‌ مافی فه‌رمی نیـیه‌ بۆ ده‌زگاکانی ڕاگه‌یاند قسه‌ بکات.
به‌پـێی ئه‌و کاربه‌ده‌سـتانه‌ی پـێشـتر بۆ هه‌مان ئاژانسی هه‌واڵ قسه‌یان کردبوو، بڕیاربوو به‌ره‌به‌یانی دووشه‌ممه‌ هێزه‌کانی ئاسایش له‌و دوو ناوچه‌یه‌ بڵاوه‌ به‌ مانگرتووان بکه‌ن.
مه‌ترسی هه‌یه‌ ئه‌گه‌ربێت و ده‌سه‌ڵاتداران بڕیاری جێبه‌جێـکردنی پـلانه‌که‌ بده‌ن، پـێـکدادان له‌ نێوان هێزه‌کانی ئاسایش و ده‌یان هه‌زار لایه‌نگری مورسی ڕووبدات.
XS
SM
MD
LG